以「自我推動術」為主題 走訪全港13間中學第二季《電笠：人人和音 SCHOOL TOUR》再度登場雲浩影、黃淑蔓、麗英、ROVER走進校園擔任「激勵師」雲姨靚聲籲勿鑽牛角尖 可以執着但不要太多自爆轉型做歌手感沮喪 麗英：「而家做唔到唔代表以後做唔到！」

雲浩影（雲姨）、黃淑蔓、麗英、ROVER早前分別到訪景嶺書院及博愛醫院陳楷紀念中學，出席由文化藝術生活平台電笠舉辦第二季《電笠：人人和音 SCHOOL TOUR》，同場還有香港籃球運動員李琪及香港交互繩代表TaiTsz，六個單位齊齊化身「激勵師」為同學們減減壓。

雲姨與黃淑蔓獻唱時，亦不忘走到台下與學生近距離接觸，除了握手、派心等指定動作，又與學生們自拍，場面熱鬧。被網民譽為新一代女神的雲姨，甜美笑容瞬間融解學業壓力，直言年輕時個性比較執着的她，完全明白想太多的煩惱，寄語同學們要意識到自己鑽牛角尖：「當你知道自己喺牛角尖嗰陣，就會成功慢慢走出嚟，少少執着係OK嘅，唔好太執着啦。」

黃淑蔓邀請學生齊齊合唱《差一點我們會飛》，台上台下打成一片，氣氛甚好。對於追夢的過程，五歲已經立志做歌手的她，對自己的目標非常明確，唯一的阻礙是時間：「當你追夢嘅時間愈長，你嘅熱誠同初衷，可能會慢慢被時間沖淡咗，最緊要係勿忘初心。當你攰嗰陣就take a break，諗一諗自己開始追夢嗰陣個初心係乜嘢。」

麗英獻唱《解咒說明書》為學生解除「壓力咒」，她說：「希望大家都可以放低嗰啲好有壓力、好困擾嘅嘢，例如唔合格嗰啲啦。」問到如何面對失敗，麗英自爆最深刻是由YouTuber轉型做歌手的經歷：「去咗個新嘅地方，見到好多好出色嘅前輩，說會意識到自己嘅不足，面對失敗嗰陣就會好沮喪。有兩樣嘢我會經常提醒自己，就係一定要有耐性同堅持。見到自己不足，就畀時間慢慢改善，而家做唔到唔代表之後做唔到。」她又表示在音樂路上仍然是初哥，也會有感到挫敗的時候：「我會話由自己聽，要有決心繼續向前，唔會畀咁簡單嘅挫折打低自己！最緊要有面對失敗嘅勇氣。」

新生代男子組合ROVER，認為朋輩間互相支持很重要，成員Kim分享他們建立默契的方式：「除咗夾Band外，多啲食飯、多啲一齊做唔同嘅嘢，我哋又會傾電話，互相分享心事。」身旁的成員Jason即笑謂：「你講到有啲曖昧咁。」Kim不諱言成員之間的關係好親密，又搞笑於鏡頭前互講「我愛你」。

除了以歌聲為同學們打氣，他們亦在台上與學生分享減壓心得，麗英及ROVER亦親身體驗「人人和音電話亭」，大讚這個以「聆聽當代聲音」為主題的企劃，非常有意義。第二季《電笠：人人和音 SCHOOL TOUR》為期三個月的巡演，現正進行中，敬請期待！

關於【電笠】人人和音 

【電笠】聲音內容企劃「人人和音」，以「停一停，聽一聽，講一講」為宗旨，從值得關注的議題角度切入，採訪各界代表人物，並同時開放給大家留言回應，就是每個人也有發表自己聲音和想法的機會，也從別人的分享中發掘出意想不到的角度。 

關於【電笠】 

【電笠】的創立宗旨「Voice of Contemporary ________ . 」，聆聽當代的聲音，就是以不同角度，發掘出最值得關注的事情。中西、潮流、文哲、藝術、電影、音樂都廣泛且深入淺出地指涉得到。只要我們集結起來，就能夠透過各類型跨媒體創作尋找更多可能性，從而演化成一個貪新戀舊、屬於當代的創作團隊。 

Instagram：https://www.instagram.com/dl.thevoc

Facebook：https://www.facebook.com/DL.theVOC

官方網頁：dl.media