歌手黎展峯（Andy）到新城廣播接受藝人經理人及項目總監范振鋒主持的《新手DJ大鳴聲》節目，首次體驗做DJ的滋味。為了與聽眾分享，Andy特意挑選了8首輕快、正能量的歌曲，「喺控制室同錄音室嘅感覺好唔同，好緊張，因為我要分享點解揀呢首歌，同埋喺我認知入面，DJ把聲好靚，所以我講嘢時都要chok一chok。」
在節目中，Andy不僅分享了歌手林家謙、陳健安、陳蕾、周國賢、岑寧兒、Pandora及Supper Moment的歌曲，還介紹了他剛推出的新歌《免費升級》，「首歌係講升級自己心態，當我哋重覆做一件事會覺得好無聊、好迷茫，但我哋要改變心態，提醒心入面團火，諗番當初點解會好享受做呢件事，燃起自己心中團火，當為自己燃火時，呢樣嘢係免費嘅。」
提到周國賢為日本某動畫獻唱的主題曲《黃金入球》時，Andy也分享了自己對足球的熱愛，「我12歲開始睇足球，由細踢到大，嗰時因為要減肥仲入埋足球隊，最鍾意嘅球隊係阿仙奴，最愛嘅球星係奧斯爾，雖然佢已經退役，但佢好犀利，係用腦踢波嘅球員。」
此外，Andy亦有推薦了陳健安的《煉獄健身室》，這首歌顧名思義是講述健身，與大學修讀體育的Andy產生了深刻的共鳴，「做Gym練肌肉唔會呃人，只要肯練就會睇到成果，安仔喺MV入面騷肌肉線條好吸睛，自己睇完都好有動力操fit啲，將來拍一個類似嘅MV。」
詳細內容，請留意9月22日，晚上8-9時，新城知訊台《新手DJ大鳴聲》節目
Comments