氣質女孩陳伊霖(Eelyn)2021年憑電影《假冒女團》入行，過去兩年接受演戲、歌唱及自彈自唱訓練，向來對唱歌甚感興趣的她，今年決心勇闖樂壇，首支派台單曲《單戀勿語》今日(20日)甜蜜上架！
新歌《單戀勿語》說的是單戀，同時亦是自愛。對的時間遇上對的人，我愛你剛巧你也愛我，從來 都不是容易的事，尤其是對愛情滿懷憧憬的少女時代，偶然碰到令自己心跳加速的男孩，過程既甜蜜又忐忑。唯獨這份青澀的愛，是成長必然走過的階段，縱然未能開花，也是一場刻骨銘心的探索自我之旅。20歲的伊霖對愛情依然充滿幻想：「雖然而家叫做成熟啲，唔會咁容易鍾意人，不過我覺得任何年紀嘅曖昧階段，都好似《單戀勿語》咁，個人囉囉攣又期待又敏感嗰種。好多時都未必 真係發展到，咁就唔好咁執着，愛一個人唔等於要擁有嘅，如果冇結果，不如錫自己多啲，快啲放過自己、放過人哋仲好。」她坦言現時是工作搏殺期，因此現階段不急於拍拖：「我都想可以遇到個錫我又明白我嘅人，不過遲啲啦，我都驚拍拖會影響自己工作，所以暫時都係謝絕戀情先。」
《單戀勿語》的創作班底邀來徐浩(Terry)負責作曲及監製，曾樂彤填詞，葉澍暉(Jeffrey)編曲，調皮的曲風充滿初春氣息，亦配合Eelyn清新的聲線，為她的首支單曲打響頭炮。「唱歌同演戲好唔同，雖然都要投入角色，但係唱歌係完完全全代表緊我自己，一路以嚟對唱歌都好有興趣，有學唱歌同樂 器，好開心公司幫我邀請Terry、曾樂彤同Jeffrey幫我造人生第一首歌，喺佢哋身上真係學到好多嘢 ，希望之後有機會自己作曲填詞，做埋唱作歌手就好啦。」
新歌的MV大玩Y2K風格，串珠頭飾、露腰短裙、手工摺紙，整個氛圍緊貼復古潮，最特別是伊霖的一頭橙髮：「呢個橙色頭，對我嚟講係好大突破，入行以嚟都係深色頭髮，未試過咁娃娃，初初都有啲睇唔慣。」她又大讚MV的場地佈置很用心，拍攝當日不禁狂影相留念：「成間房都係粉紅、桃紅、橙，好似入咗Barbie世界咁，我平時真係好小咁粉紅色、咁卡通感，但係同首歌真係好夾， 超夢幻。導演知道我之前拍戲做過神婆，今次個MV都叫我做返神婆角色，個星星頭箍加埋眼下貼咗嗰兩粒珍珠，好有魔法少女feel。」
陳伊霖首支派台單曲《單戀勿語》MV，將於今晚(20日)晚上8時正式首播，敬請留意！
陳伊霖 Official Instagram：https://www.instagram.com/yeeeluum/
陳伊霖 Official YouTube：https://www.youtube.com/@eelynchan0606