top of page

麥德羅65歲生日 興奮期待長者咭壽宴行善積福 禮金捐贈低入家庭小朋友唸書


麥德羅(Robert) 將於12月10日65歲壽辰,女友Apple姐(劉麗萍) 日前 (7日) 於尖沙咀某酒樓筵開11席,為Robert提早舉行壽宴慶生。


Robert興奮表示好期待過兩天65歲,可以申請長者咭:「我依家已經有樂悠咭,過兩天再攞埋長者咭,坐巴士、港鐵、小巴都只係兩元,長者咭仲有好多購物優惠,最開心睇戲只係30元,我成日去戲院睇戲,支持香港電影嘛,自己呢行出身,梗係要支持同行入戲院,又可以充實演技。」


65歲壽辰,除了心情大靚迎接長者咭,Robert也心急許下生日願望,他收斂嬉戲,一臉認真許願:「最希望唔好再打仗,世界和平,身邊所有朋友都身體健康!」


問到Apple姐送上甚麼生日禮物?Apple即驚叫:「係喎!唔記得買禮物!因為提早咗慶祝,竟然忘記了買生日禮物。」而昨晚壽宴禮金,扣除成本,捐贈給收低入家庭小朋友上學唸書,為Robert行善積福,Apple姐及Robert皆同聲表示年紀大了,做自己想做的事,幫更多有需要的人,錢財夠食夠用就可以,多了也帶不走,倒不如用來幫助有需要的人。



18 次查看0 則留言

Comentários


bottom of page