國際知名結他品牌Fender最近與通利琴行聯合舉辦「DESIGN YOUR OWN LEGEND結他圖案創作比賽」，廣邀各界人士提交創意作品競逐獎項，旨在讚揚香港本地藝術創造力，以及向世界展示香港獨特的藝術文化。
是次比賽主題為「本地音樂及藝術文化」，所以Fender和通利琴行邀請了著名藝術家又一山人、RubberBand隊長兼結他手阿正、香港Hip Hop始祖兼亞洲塗鴉教父MC仁，和漫畫家兼多媒體創作人林祥焜，這四位極具影響力及知名度的香港本地視覺及音樂藝術家參與創作，而他們亦會擔任比賽評審，合共挑選出四款得獎作品與他們一起在年末舉行的展覽一同展出。
多才多藝的MC仁身為本地Hip Hop樂隊LMF其中一位主音，大家都知道他用自己聲音闖出名堂，但原來他亦曾經「踩過界」彈結他一嘗樂手滋味，他說：「Fender嘅Telecaster係我第一支擁有嘅電結他嚟，不過太難彈我就放棄咗喇，哈哈！」而他亦視Fender為無可取代的「神級品牌」：「Fender對我嚟講就極度Classic㗎喇，佢個結他外型太經典喇，冇人冇揸過Fender㗎我覺得。」另外，MC仁拍攝宣傳片時出動愛貓賣萌，畫面非常有趣可愛。
自 1946 年以來，Fender 結他品牌一直是全球的結他界的指標。作為世界領先的結他生產製造商，「Fender」甚至就是搖滾樂的代名詞，所以阿正覺得好榮幸能參與是次活動：「Fender真係標誌性嘅美國牌子，好多我鍾意嘅結他手都係Fender Artist嚟，佢推出嘅Stratocaster同Telecaster都係有史以嚟最原創、最多人認得出嘅設計。」
阿正亦透露擁有為數不少的Fender收藏：「我約莫有十支Fender結他啦！（最矜貴係邊支？）咁一定係Fender Masterbuilt Hardtail Strat，係大師Jason Smith造嘅。佢有SH Pickup Configuration，重量唔到7磅，個琴頸摸落好好Feel，同埋佢個共振效果做得好好。（講唔講得幾錢？）大概9萬蚊左右啦！」
通利琴行和Fender合辦的「DESIGN YOUR OWN LEGEND結他圖案創作比賽」將於9月15日截止報名，參賽者在限期前可以在傳奇的Fender Stratocaster電結他上發揮無限創意，勝出者不但能夠擁有自己設計的Fender結他，得獎作品更將於年末舉行的展覽會中，與一眾本地藝術家一同展出。