top of page

陳樂榣(Ally)8年後再懷孕變新手 老公體貼搵陪月幫手變代言慶幸遇上Care U專業陪月保姆團隊 解決產前後照顧保養輕鬆哂!


幸福人妻陳樂榣(Ally)與葉泓聲(Gordon)的愛情結晶品,即將於

9月初出世,由藝人轉型成為事業型女強人的她,早前還到上海搞展覽,幾乎忘記自己要準備生BB,突然變得緊張,體貼的Gordon為了令她產後可以專心休息,而與她一起物色陪月員,不過因為網上資料太參差,又怕信唔過,幸好朋友介紹Care U專業陪月保姆顧問,應其要求選到好幫手,一站式由產前到產後照顧兼保養,Care U更邀請Ally擔任代言人,雙方情投意合合作,Ally笑言: 「阿囡未出世就好旺我,更醒目旺埋佢自己,出世就有專人照顧,我安心輕鬆哂!」


搵專業陪月變成Care U悉護代言人

Ally最近剛到過上海為其時尚首飾品牌WOW辦展覽活動,咖啡店生意又有新發展,廣州亦開飲食新店,所以她笑言有時候忘記自己懷孕呢!

「好彩呢一胎阿女真係好錫媽咪,冇乜唔舒服,只係頭一個月有作嘔作悶。(但BB就快出世,係咪已準備妥當呢?) 其實事隔8年再懷孕,點樣準備我都生疏咗,甚至要戒口都唔記得,湊BB對於我更加係變得好陌生變番新手,所以有些擔心。」

Ally透露懷第一胎的時候,媽媽特別讀了陪月課程來幫她照顧BB , 大小事都由阿媽去做,只記得當時媽媽好辛苦,亦好忙亂,日間補眠幾個鐘之後又要再湊BB ,所以最近她問了很多人意見,想學點樣照顧初生BB,發現原來有個專業陪月員是相當重要。Ally好幸運在朋友介紹下,搵專業陪月期間更成為Care U(悉護專業護理服務)專業陪月服務代言人。


自問係臨急抱腳型媽咪 有陪月顧問專心享受坐月

Ally話做陪月代言人亦先了解陪月工作,原來陪月員要好細心,很開心認識到Care U專業陪月顧問團隊,不單只有產後照顧服務,產前亦先安排陪月員來做家訪,為她定下飲食餐單,又開一個群組讓她向專業陪月員查詢,遇上任何問題都可以問,例如產前要預備買甚麼,有哪一個牌子比較好,要做甚麼準備等等,陪感安心 !

「雖然有人話網上都可以找到準備生BB嘅清單,但因為有好多嘢唔明白, 有時會買咗好多唔需要嘅物品浪費了,尤其我工作太忙又係臨急抱佛腳嘅媽媽,產前先來預備,所以今次有Care U陪月顧問幫手我就非常放心,唔使緊張怕有遺漏。」


減少產前後憂慮 調理好再影婚紗相

「新手爸爸媽媽特別需要陪月,初生BB係要特別細心照顧,媽媽喺坐月嘅日子如果冇好好調理,亦會影響身體復原,我有好多朋友話因為坐月唔好,之後出現後遺症,頭痛又腰痛,有人更為咗搞番好個身子就再度懷孕重新坐月,真係好誇張 ! 所以有個陪月係好事,佢會教你照顧BB又幫你煮適合嘅食物,仲會提你戒口,而且陪月係會教你餵哺母乳,記得當年我唔識就上網搵資料,仲喺新手媽媽群組尋求幫助 ! 所以有陪月係會減少媽媽焦慮,令你舒舒服服渡過BB出世頭一個月最難捱嘅時間。」她已與Grodon計劃產後調整好兼略修身就籌備出埠影婚紗相。


葉泓聲Gordon細心照顧畀足200分

至於Ally與Gordon可有安排好由哪位照顧BB呢?

「Gordon好鍾意BB,同我拍拖之後已經話要生BB,所以我決定即刻生,恐防再幾年體力未必可以應付得來,多謝上天好快就俾咗個BB我哋,自從懷孕後,Gordon對我照顧周到,甚至大女Aria都係由佢照顧,比我更著緊 ! 所以BB出世之後,相信夜晚照顧BB嘅責任一定喺Gordon身上,佢會俾我有覺好瞓嘅 !」

Ally感謝Gordon一直遷就她,懷孕期間她經常發忟憎,對方亦想盡法子氹她開心,滿足她的要求。有時大女頑皮令她動怒,Gordon還會幫手和解。「我好感恩有Gordon喺我身邊,佢係一位好細心嘅人,一路以來對我體貼扶持我,真係做足200分。」

至於Ally 8歲的大女Aria對妹妹即將出世亦十分期待 。「大女已經做好準備,幫我整理BB物品,最搞笑係幫妹妹試下BB床舒唔舒服,又俾意見為妹妹改名,揀靚衫俾妹妹,甚至妹妹出院嘅衫都係有大女指定呢!」



124 次查看0 則留言

Comments


bottom of page