方文日子有功「執生」快

歌手方文（Astor) 日前参與關心妍的慈善演唱會作演出，與另一歌手龔柯允 (Karen) 合唱《罪與罰》時，發生一段小插曲。正當兩位歌手並列在台上演唱時，突然Astor 的鞋子「甩底」！從Karen在社交平台上載的片段中顯示，當時Astor站著有點不穩，連鞋底也飛出來了，要旁邊的 Karen 扶她一把才能勉強完成演出，可謂驚險萬分！但方文也練得一身好武功，臨危不亂地面對突發事件。她解釋當時真的很尷尬：「其實當日演出前亦已試過對鞋，係完全冇問題。可能我比較興奮喇，上到台又要跳舞，一扭就發現其中一邊個底甩咗，當時仲要高低腳咁企住。原本我想除咗對鞋，但因為唔可以跪低，對鞋亦比較貼腳，所以我把心一橫將另外一邊嘅鞋底都整甩佢！好在當時 Karen 喺我身邊，所以第二首歌嘅走位亦都變咗係佢扶住我行返去要企嘅位置。而我亦向鞋的品牌方反映問題，最後佢哋話會送番對新嘅鞋比我作補償。」

至於她親身主理的網上直播節目《與文共唱》將暫定今年六月將推出第三季，而今季更破天荒採用了最新的直播技術，將網上播放的延遲時間 (delay time)縮短到兩秒，應是現時最先進的技術：「因為本身有朋友是大品牌公司的技術顧問，而一般坊間平台的延遲時間是一至兩分鐘。今次我們合作使用呢個技術將時間降低至兩秒，係差不多同電視一樣，可以話香港未有人試過。希望亦都可以為業界展示呢個技術，將來可以幫助大家做直播節目！」