全新玩味餐廳JOYSTICK登陸荔枝角D2 Place二期室內遊樂中心PowerPlay Arena喇！JOYSTICK堅持呈現食材本質嘅滋味，結合「美味」、「健康」、「快捷」三個核心餐飲理念，加上無限創意，喺講求便捷與效率嘅現代生活入面，為你帶嚟滋味嘅Healthy Bowl、讓人垂涎三尺嘅小食及歡聚必備手工酒精飲品，讓你嘅味蕾驚喜連連！
JOYSTICK極富玩味嘅用餐環境融入俄羅斯方塊及霓虹燈元素，更以搶眼嘅Pop art設計餐廳菜單，一次過滿足你嘅視覺及味覺體驗！
推介菜色
鹽燒豚肉配日式醬油汁（HK$68）
選用最嫩滑嘅豚肉，配上日式醬油、木魚絲及紫菜絲，洋溢濃厚日式東洋風味。
慢煮特色牛肉配英式燒汁（HK$78）
先慢煮牛肉，再高溫快煎，迫出濃香牛肉味，最後淋上秘制燒汁，打造經典英倫風味。
油封雞脾配油醋汁（生酮）（HK$78）
醇香雞油包裹鮮嫩慢煮雞脾，雞肉鮮味嫩滑，配合各式生酮配料，是生酮人士必食之選。
Rainbow Waffle（HK$48）
外脆內軟嘅彩虹色窩夫，搭配香甜幼滑嘅忌廉，使你心情瞬間大好，最適合「打卡」！
Waffle Pop（HK$22）
Waffle Pop外型彷如雪條，一共有6種口味，方便一邊行一邊「嘆」！
PowerPlay Arena x JOYSTICK小食
美國經典漢堡（HK$38）
用鬆軟麵包夾著自家製多汁惹味、用料十足嘅純牛肉厚漢堡，配上車打芝士、清爽蕃茄及脆口羅馬生菜，經典美式滋味，啖啖滿足！
賽車主題奶昔
由PowerPlay Arena x JOYSTICK聯乘推出奶昔共有6款，每款均以賽車主題命名，包括黃金戰衣（菠蘿奶昔）、賽車女郎（士多啤梨奶昔）、森林賽道（奇異果奶昔）、惡魔之Z（朱古力奶昔）、二段升壓渦（藍莓和士多啤梨奶昔），及最為人熟悉的秋名山車神（豆腐奶昔），再以豐富配料及奶油點綴，極度邪惡！
墨魚汁魷魚圈（HK$38）
以鮮味十足嘅墨魚汁包裹住爽口魷魚圈，外型新穎，口感鮮甜彈牙。
Papamaron（HK$28）
香脆墨魚汁炸皮包裹著清甜軟糯嘅栗子，猶如漫畫內嘅汽車噴黑煙球，外脆內軟，一試難忘！
花枝春卷（HK$35）
咬一口鬆脆春卷，啖啖都有鮮甜爽口嘅魷魚，惹味非常。
PowerPlay Arena聯乘JOYSTICK 推出限定「Crazy Burger食玩套餐」
PowerPlay Arena為慶祝全新玩味餐廳JOYSTICK進駐，特意與餐廳聯手推出「Crazy Burger食玩套餐」（HK$110）！套餐包括一節飄移車體驗（原價HK$75），一份美國經典漢堡（原價HK$38）及一杯自選賽車主題奶昔（原價HK$48）。*優惠受條款約束，請向店員查詢詳情。
PowerPlay Arena内有佔地超過5000呎嘅賽車場，空間寬敞！由粉紅色迷你水馬砌成嘅車道經精心設計，設有多個彎位，既刺激又好玩！車場提供兩款飄移車，分別是為大人而設嘅Crazy Cart XL以及小朋友專用嘅Crazy Cart，更會貼心提供頭盔、護肘和頸箍等保護裝備，讓大家安心化身車神，享受馳騁快感，一嘗風馳電掣嘅滋味！
另有多款全新遊戲機進駐，包括氣墊球，射擊遊戲1及對戰版本的賽車遊戲機！大人小朋友都適合！必定讓你樂而忘返！
JOYSTICK
地址：荔枝角長順街15號D2 Place 二期 2樓PowerPlay Arena內
營業時間：星期日至四及公眾假期11:30AM – 8:30PM；星期五六及公眾假期前夕11:30AM – 9:00PM
PowerPlay Arena
地址：荔枝角長順街15號D2 Place二期2-3樓
營業時間：星期日至四及公眾假期11:30AM – 9PM；星期五六及公眾假期前夕11:30AM–10PM
Comments