「尋秦記謝票三寶」滕麗明、陳國邦及黃文標 現身荔枝角為酒樓開幕任剪綵嘉賓最愛飲茶 阿滕隔空撒嬌呻老公唔願做「茶腳」陳國邦佛系過母親節：「我哋日日都咁好。」

「尋秦記謝票三寶」滕麗明、陳國邦及黃文標今日（10日）到荔枝角為《唐坊》新店開幕擔任剪綵，更特意邀來同為「尋秦記」謝票團的主持冼婉雯（Jess）擔任主持，「尋秦效應」吸引大批粉絲及途人圍觀拍照。適逢母親節，滕麗明一現身已滿面笑容，原來一早已收驚喜，更興奮表示早上已獲「哎吔仔」周嘉洛親自上門送花，她透露今晚將與母親晚飯慶祝：「我好開心呀，一早已經有人同我慶祝母親節。」陳國邦表示向來與太太羅敏莊（Mimi）都沒有節日概念，因此未有特別為太太準備母親節禮物：「我知道今日要做嘢，上星期已經同我媽咪食咗飯慶祝。阿女都冇特別準備禮物畀媽咪，不過Mimi不嬲都無咩所謂，因為我哋日日都咁好。」隔空放閃，果然是恩愛夫妻。

是次是中式酒樓開幕活動，三人齊齊大談「飲茶情意結」 ，滕麗明與陳國邦均是中式酒樓支持者，自小已喜愛飲茶文化，她說：「細個嗰陣，我會好早起身，自己一個人晨早六點幾就落去霸位，因為淨係得飲茶先可以咁耐時間黐住爸爸媽媽。」滕麗明笑言小時候最愛與父母飲茶，婚後則要求丈夫做「茶腳」：「不過都唔成事㗎，因為我哋拍《愛．回家之開心速遞》啲時間唔定，唔係咁容易去到。」而近年於泰國定居的陳國邦指，當地亦有不少中式酒家，間中亦會一家三口齊齊飲茶。

黃文標兒時經常與爸爸到茶居飲茶吃一盅兩件，笑言長大後才開始飲咖啡。至於他早前透露患上柏金遜症，現時已接受治療，情況穩定：「有食藥，隻手都冇咁震。」

想知在那裡