阿旦鄧洢玲喜遇前娛樂臺主播 Season黃合秀齊做陪訓節目《夜闌人靜 Small Talk》 11月11日上線雙雙大爆人生轉行路 阿旦聽父遺言：「冇男人照顧就要靠自己」Season理性轉跑財經新聞再結婚生仔

藝人主持阿旦鄧洢玲，近日喜遇前娛樂臺主播舊同事Season黄合秀，二人即興合體推出全新Podcast節目《夜闌人靜 Small Talk》，以理性與感性雙重視角，陪聽眾度過深夜時光。節目已於昨日（11月11日）正式上線，逢星期二於Apple Podcast更新聲音版，星期日則於YouTube上載視像片段。

阿旦目前除咗做生意，繼續活躍主持拍片工作，Season則早已轉去財經節目。二人曾於娛樂新聞臺共事多年，原來阿旦除咗性感仲好感性——一講到感情就眼濕濕；Season則擅長理性拆解世界。節目標榜「屬於兩個唔同世界嘅聲音」，每集用唔同價值觀睇世界，話題涵蓋生活、情感以至社會熱點，旨在成為都市人夜闌人靜嘅最佳陪伴。

首集雙雙大爆人生轉行路

第一集阿旦率先分享即使身為主持、除咗做生意仍然繼續拍片工作，仍堅持憑一己之力做生意。她首次公開最大動力來自父親臨終遺言：「冇男人照顧，就要靠自己。」阿旦一講到呢句就哽咽道：「爸爸走之前講咗呢句話。我由細到大都冇靠過男人，創業嗰陣更加記住呢句話。」她坦言：「做老闆娘聽落好風光，但其實好辛苦！每日早起晚歸，處理財務、客戶投訴，仲要面對市場競爭。有時一個決定錯咗，就可能血本無歸。」阿旦不諱言創業初期的低谷，包括資金短缺、孤立無援的孤獨感，以及平衡主持拍片與生意生活的掙扎。

Season則爆出另一條人生軌跡：當年理性判斷娛樂圈唔適合自己，毅然轉行跑新聞，由記者做起。「放棄嗰時娛樂台比較高嘅收入，真係唔容易。新聞行業人工唔高，但覺得更有挑戰。」後來除咗做財經節目仲走咗去結婚生仔。她笑言：「日日追財經加日日追仔，少啲心力都唔掂！」Season坦言，經歷過身份認同危機，「日日上鏡加埋湊仔，需要極強嘅時間管理、情緒管理同危機處理能力。」

阿旦聞言即場「捉住」Season：二人你一言我一語，理性拆解女性多重身份的社會標籤，感性分享轉型背後的掙扎與成長。阿旦聽爸爸遺言靠自己，——成功從來唔止一種定義。」

阿旦興奮表示：「好開心可以同Season再合作！呢個節目唔止係傾偈，係用理性同感性一齊探索世界，等大家聽得過癮、睇得開心。」Season補充：「我哋唔止有聲音，仲有畫面，等你哋每星期陪我哋過夜闌人靜嘅晚上。」

《夜闌人靜 Small Talk》現已登陸Apple Podcast及YouTube，歡迎訂閱及留意更新。

Apple Podcast：逢星期二更新（首集11月11日）

YouTube：逢星期日更新片段

訂閱連結：Apple Podcast及YouTube搜索《夜闌人靜 Small Talk https://linktr.ee/nightsmalltalk