藝人主持阿旦鄧洢玲，近日喜遇前娛樂臺主播舊同事Season黄合秀，二人即興合體推出全新Podcast節目《夜闌人靜 Small Talk》，以理性與感性雙重視角，陪聽眾度過深夜時光。節目已於昨日（11月11日）正式上線，逢星期二於Apple Podcast更新聲音版，星期日則於YouTube上載視像片段。   阿旦目前除咗做生意，繼續活躍主持拍片工作，Season則早已轉去財經節目。二人曾於娛樂新聞臺共事多年，原來阿旦除咗性感仲好感性——一講到感情就眼濕濕；Season則擅長理性拆解世界。節目標榜「屬於兩個唔同世界嘅聲音」，每集用唔同價值觀睇世界，話題涵蓋生活、情感以至社會熱點，旨在成為都市人夜闌人靜嘅最佳陪伴。   首集雙雙大爆人生轉行路 第一集阿旦率先分享即使身為主持、除咗做生意仍然繼續拍片工作，仍堅持憑一己之力做生意。她首次公開最大動力來自父親臨終遺言：「冇男人照顧，就要靠自己。」阿旦一講到呢句就哽咽道：「爸爸走之前講咗呢句話。我由細到大都冇靠過男人，創業嗰陣更加記住呢句話。」她坦言：「做老闆娘聽落好風光，但其實好辛苦！每日早起晚歸，處理財