鄧小巧日前到新城廣播接受黎莉主持的《勁爆樂勢力》錄音訪
問，宣傳由林宥嘉（Yoga）寫給她的新歌《神愛世人》，小巧更在節目中透露 Yoga 驚喜贈
歌的經過，直言感覺像中頭獎。訪間於 9 月 4 日播放。
小巧去年宣傳歌曲《瀟灑》時，曾向媒體透露恨和 Yoga 合作，希望可以唱到對方寫的歌，
報道出街後，Yoga 的粉絲將這則新聞 send 給 Yoga，小巧表示：「Yoga 就上網搵我嘅資
料，又聽我啲歌，可能咁樣對我產生咗啲印象；我冇個人邀請佢，同佢亦冇交情，有日公司
收到個電話，話林宥嘉寫咗首歌畀我，大家都好愕然。」
小巧續說：「最神奇嘅係，我冇聯絡過佢，但佢靜雞雞已經寫好咗首歌，佢話係割愛畀我，
同埋佢有同林家謙（監製）講過寫畀我，會問我係咩狀態，又會喺歌詞下面留言，暗地裡做
咗好多嘢，然後畀驚喜我，我覺得我有啲似中頭獎。」
為了答謝 Yoga，小巧今年 3 月專程飛到台灣拜訪對方，她笑言：「我見到佢就變成鵪鶉
咁，未坐低就已經送禮物畀佢，但大家傾咗好多偈。」小巧又自爆去年見偶像時表現失態，
「我一見到佢就話『4 年前睇你演唱會我未結婚，但依家我結咗婚喇』，講完嗰刻已經想打
自己，結唔結婚關人鬼事咩，但因為太鍾意佢，好想同佢講嘢，佢好有家教同好有禮物話
『恭喜、恭喜』！」
黎莉問小巧為何如此喜愛 Yoga？小巧表示 Yoga 最吸引她的地方是聲音悅耳，「佢音色好
靚，用聲嘅方法好動人，唔單止慢歌，唱快歌都好有爆炸力，同埋佢台風好好睇，企喺度唱
歌唔郁都咁好睇。」
詳細精彩內容，請留意 9 月 4 日，下午 12:00 -13:00，新城知訊台《勁爆樂勢力》節目
Comments