溫碧霞受神劇《火玫瑰》帶挈紅足 30 年宣布 11 月展開首個內地巡唱不忘本以劇名命名

溫碧霞（Irene）演而優則唱，過去曾推出過多張唱片，她主演電視劇《火玫瑰》更是膾炙人口，劇中「海潮」角色及由她主唱、倫永亮作曲、小美填詞的主題曲「海潮」更加紅足 30 年。

Irene 於 2018 年曾在香港的麥花臣場館舉行個人演唱會，對音樂充滿熱誠的 Irene，今天正式宣布，將於今年 11 月假內地展開《溫碧霞火玫瑰演唱會 2024》巡迴演出，第一站會在廣州揭開序幕。

Irene 今年工作忙個不停，除了要打理自家服裝品牌 Irenena，又四出宣傳電影《謊島美人魚》，不過事業心重的 Irene 愈忙愈有衝勁，並落實今年舉行巡迴演唱會，首站廣州；日前 Irene 為演唱會拍攝海報，穿上兩襲分別橙色及紫色花花裙的她，盡顯優雅氣質。

對於相隔 6 年再次舉行演唱會，Irene 心情相當興奮：「好開心，之前喺香港做過《溫碧霞海潮演唱會 2018》，嚟緊 11 月我哋就做『火玫瑰演唱會』，用番我經典電視劇個名，暫時會喺廣東省演出，之後再去內地其他地方。」

感謝 TVB、倫永亮、小美

演唱會籌備工作進行得如火如荼，Irene 透露已選好歌單，並於下個月開始練歌及挑選舞台戰衣，Irene 表示：「今年想出多首快歌，可以喺演唱會上開開心心跳舞，同粉絲互動，真係超級期待。」她更加感謝 TVB 及倫永亮、小美送咗首紅足 30 年的主題曲「海潮」給她。