top of page

姜大衛接受新城《QK玉瑛室》譚玉瑛、何基佑及麥皓兒訪問入行73年自感人生燦爛 冇埋怨過當年與李琳琳奉女成婚:「我係飛仔,佢係飛女」


藝人姜大衛(John哥)日前 (17日) 接受新城廣播節目《QK玉瑛室》主持譚玉瑛、何基佑及麥皓兒訪問,童星入行至今已73年的John哥,直言當初是父母帶入行,「我父母都係做呢行,咁啱又要搵小演員,嗰時都冇得揀,係個天揀我,後來觀眾揀,直到依家。」


John哥直言入行至今都保持初心,由於是自己喜歡的職業,所以就算有多辛苦都不會有怨言,「我一生人過得都幾燦爛、幾滿足,4歲由童星做到依家,完全冇埋怨過,唔知點解,一定係好鍾意呢行,唔覺得攰。」John哥又指小時候拍戲很開心,因為可以賺錢又不用上學,「我十幾歲就做主角,五百蚊一部戲,後期做武師就鍾意拍打戲,邵氏搵親我哋都係拍武打片,當年後生唔知咩叫辛苦,日頭打完,夜晚收工就出去打保齡、打枱波。」


John哥和太太李琳琳結婚至今携手走過50年,他大爆兩人相識經過是在婚禮上,「當年石天結婚,佢做伴娘,我同朋友去飲,其實同佢都識,但唔係好熟,之後梗係我追佢啦!」譚玉瑛聞言表示:「當時喺觀眾眼中,佢(李琳琳)好似飛女,成日着迷你裙又化粧,係時代尖端女性,就算你成日拍武打片,但你又好文靜。」John哥笑言:「我都唔知鍾意佢啲咩,係緣份。」


何基佑問John哥當時與李琳琳拍拖有什麼考量?John哥形容兩人是敢作敢為,「真正嘅明星係唔可以公開戀情,驚粉絲唔鍾意,同埋影響票房,但我個人好反叛,覺得結婚好正常啫,我仲係奉女成婚,冇大排筳席,我哋係天主教徒,只係去教堂結婚,夜晚飲完第二日就飛咗去度蜜月。」John哥續說:「我係飛仔,佢係飛女,都係反叛,但結婚係我哋私事,唔需要交代,只要我向佢交代,佢向我交代,好聽啲係前衛,我哋係為咗目的不擇手段。」




2 次查看0 則留言

Σχόλια


bottom of page