top of page

28歲抗癌勇士文頌男接受新城《QK玉瑛室》訪問仍需接受11次電療 嗎啡份量愈來愈重也不能止痛依然以笑迎戰癌魔用正能量答謝每一位的鼓勵及捐款


J2台主持文頌男(Koba)去年10月確診患上罕見癌症「尤文氏肉瘤」(Ewing’s arcoma),之後全面停工及積極接受治療,惟病情反覆,劇痛令他要跪住坐,而Koba日前公開籌募醫藥費,盼能減少痛楚。

日前(6日)Koba在一名男友人陪同下,現身新城廣播接受《QK玉瑛室》節目主持譚玉瑛、何基佑及麥皓兒訪問,戴上鴨舌帽及口罩的Koba撐住拐扙現身,他全程表現樂觀及笑容滿臉,以笑迎戰癌魔,堅強戰鬥力令人敬佩。


Koba在節目中表示當得知自己患癌時沒有甚麼特別感覺,反而十分冷靜,「因為未反應得切,返到屋企沉殿咗幾日,先愈嚟愈擔心同焦慮,又要諗點樣同公司、家人、朋友點樣交待。」


現年28歲的Koba於單親家庭成長,12歲時父親有外遇離家,家庭頓失經濟支柱,又欠下很多債務,Koba透露自己的童年過得十分反叛,經常逃學及不歸家流連街上。「渾渾噩噩過咗一年,突然醒覺唔可以再無所事事同生產力,當時只做外賣收入好少,覺得人生唔可以再係咁,跟住返咗學校讀書,直至大學畢業。」


然而不幸地,Koba加盟無綫J2台擔任主持一年便發現有惡性腫瘤,但他堅持到行動不便才停工,「因為我真係好鍾意返工,唔想浪費每一次出鏡。」惟要面對龐大醫療費和生活支援,Koba日前在IG公開籌務醫藥費,「剩係覆診做電療可能只係幾十或幾百元,最貴係照X光,因為公立醫院要等半年先有報告,去私家照要萬幾至二萬,仲要局部照,呢個係最大負擔,依家短期內要幾十萬先夠我維持幾個月嘅醫療費用。」譚玉瑛亦作出呼籲:「希望大家聽到之後,可以畀頌男多啲支持,令佢可以繼續做自己鍾意做嘅嘢。」

Koba完成5次做化療後卻未見好轉,他形容當時心情像跌入深淵,「做化療好辛苦,自己變得好虛弱,好似徘徊生死邊緣,又甩晒頭髮,冇以前咁好睇,覺得做咁嘢都冇用嘅,我仲醫唔醫得好呢?我仲近死亡近咗一步,成個情緒好崩潰,但我都好快收拾到,過咗幾日就已經唔再諗呢樣嘢,係咁提醒自己至少仲可以見吓朋友,仲可以開心到,唔好諗自己過得幾咁困難。」


Koba開始治療至今近9個月,現在正在做第17次電療,總共要做28次,「最辛苦係平躺做電療會好痛,第一次做電療時痛到呻吟,要用意志力忍住,做完副眼鏡濕晒,隻腳好似冇咗感覺,成個人震得好緊要,落床後跪喺出面十幾分先平復到。」現階段Koba要靠吃止痛藥和嗎啡止痛,但嗎啡的份量不但愈來愈多,而且並不能完全止痛,令他相當辛苦。不過Koba依然正能量滿滿,並答謝一直支持他的人,「感謝大眾可能唔認識我,但都好熱心傳訊息鼓勵同捐款,好多謝你哋。」麥皓兒亦借其新歌《感激您鼓舞》送給Koba,「人生會遇到低潮,只要保持正能量堅持下去,你並不孤單。」

4 次查看0 則留言

Comments


bottom of page