由阮兆祥、李思捷、王祖藍主持的香港首個扮嘢真人 Show《福祿壽訓練學院》
，話題十足，參賽者搞盡腦汁突圍。昨晚「古惑包皮」、「西貢籮記」、「沙田詹瑞文」等十位參賽者先後被淘汰。
其中在王祖藍組的「勁高寧」陳懿霏，在上集大騷身材，學足高海寧在《新聞女王》拉開拉鏈露出深長事業線，又用泥搽面搽身，被主持大讚表現夠放，在昨日(4月7日)出街一集，就宣佈冇得留低要出局。
雖然陳懿霏被祖藍叮走，冇機會繼續玩，但她竟然在社交平台向祖藍講sorry，她在ig表示：「聽番當日嘅參賽者同我講，當日我查泥漿落祖藍手度個陣，佢有少少尷尬，我原意係想同祖藍互動一下增加綜藝效果，希望祖藍唔好介意啦！真心sorry…。」
不過「嚇呆王祖藍」一幕，大家在螢光幕睇唔到，事關每位參賽者只有1分至2分鐘出街片段。
據知當日比賽進行時，被搞到一手泥的王祖藍，即時問「到底係咩嚟」，旁邊的李思捷亦驚埋一份。有參賽者認為「勁高寧」玩得過份咗，可能因而被淘汰。
對此，「勁高寧」親自回覆：「其實嗰日係想有互動，所以搽咗啲泥落祖藍隻手度。我諗淘汰同呢件事無關，只係自己嗰日狀態未係最好。我好開心可以參加比賽，同埋入到王祖藍嗰組，我好欣賞佢，佢扮嘢真係好叻。」
陳懿霏在英國大學畢業後，回港拍過不少廣告，其中跟Do姐合作「好顧主約章」，拍咗十幾個鐘，佢話好難忘。
跟黎諾懿合作後，佢大讚對方十分專業。
留言