日籍模特兒兼演員松岡李那經朋友推薦，加盟天盟娛樂，成為李施嬅師妹。Linah 雖曾參與多套電影，但對上一套已經是 2019 年，飾演女主角的《作家的謊言：筆忠誘罪》，而今次加盟新公司有機會作多方面的嘗試，她表示：好開心有機會認識到公司老闆顏培意，之前都曾經接觸過幾間不同類型的經理人公司，但同新公司老闆傾完之後，發現大家嘅想法都很一致，方向亦都好清晰，所以對喺天盟娛樂日後既發展好有信心。日後我除左希望繼續拍多啲電影之外，亦希望有機會拍劇，因為朋友都話拍劇可以更入屋。而公司更為我投資六位數字出快歌，呢首新歌我自己都好鍾意，好似為我度身訂造一樣，而我亦好想自己試下填詞，至於係填咩語言我就賣個關子先。近排我亦不斷做運動練氣同練歌，亦希望可以保持最佳狀態錄音同拍攝 MV。希望大家都對我有耳目一新嘅感覺。
而 Linah 除左練歌外亦學緊跳舞同打碟，除了興趣外亦希望可以作多方面嘗試從而打入唔同市場。
