前東張西望主持黃穎君(Burmie)離開政府轉職後，當大家以為做政協退居幕後之際，日前她在社交平台上載短片，做回主持分享去新疆的經歷。
視頻中有少數民族話覺得她似哈薩克族，Burmie笑言她亦大感不解，但那位哈族朋友也難以相信她是漢族，大家都覺得很搞笑，也有網民留言話新疆小朋友好多靚仔靚女。
見她又去了新疆校園、棉花田等地方，內容跟早前陳貝兒＜無窮之路＞相似。黃穎君回覆查詢時表示：「之前報導一出，有不少客戶搵返我做主持，更有電視台向我招手。我都好多謝大家咁錫我，其實依家我有工作安排了。呢個新疆視頻系列算係打頭陣，本身去之前都有啲忐忑，去到就發覺更加要將當地真實情況拍比大家睇。」被問到會否怕抄襲陳貝兒的節目，她解䆁：「我以前喺電視台，知道air time好貴，好多訪問咗想講嘅都會cut咗，見到佢哋有時一集介紹兩個地方就有啲太濃縮。所以依家除咗 <港青在邊城> 新疆原片之外，我都會拍分享視頻，希望比多啲當地環境情況大家睇，而呢一次去嘅新疆係會有十集咁多！播放平台主要係網上播，因為容易分享出去，而且我哋有雙語版，唔擔心局限只係香港睇得明。」
除了新疆，原來Burmie更會探訪其他地方：「當初要 <港青在邊城> 就係想繼續邀請香港青年同我一齊探索邊城，再去啲邊城就有雲南果啲都有興趣。」
其中一條分享視頻，見到Burmie好開心同新疆學生擊掌，在社交平台貼文寫道：「親愛的新疆同學仔：感謝你們的熱情及開朗，讓我上了寶貴的一課！說實話，來你們學校之前我有很多擔心，心裡面預想各種可能性及各式各樣的問題。懷著近君情怯般忐忑的心來到...然而，跟你們相處之後，我記起一句說話：幸福不是別人說了算。這是一種感受，是令到身邊的人不自覺沉浸在內的氛圍。我幸福嗎？你們幸福嗎？看見你們揚在臉上的自信及笑容，我重拾幸福的定義，對生命的熱愛，謝謝真誠、簡單直接的你們。」
"Hongkongers in Xinjiang" video series - EP1: Twinkle, Twinkle, Little Star
"Hongkongers in Xinjiang" video series – EP2: Taklamakan Warriors
"Hongkongers in Xinjiang" video series – EP3: “Golden Eggs”
Comments