#FWD富衛保險賀歲盃 #安俊豪 #癮 #大球場賀歲杯 @simonho1029
闊別四年再度歸來的賀歲盃的FWD富衛保險賀歲盃於昨日(13/2)假香港大球場順利舉辦，除了邀請到由七名世界盃冠軍級球員組成的世界明星隊，對陣由「風車Sir」郭嘉諾領軍的香港明星隊之外，大會更邀來安俊豪 (Simon)與Jer@MIRROR及 AK@MIRROR同場演出，三人均是足球愛好者！Simon更因身材高大，讀書時踢波做守龍門，最近亦恰巧接拍了新戲做守龍門員一角，相當有足球緣！
Simon 當日以一身比利時的國際時裝品牌 Dries Van Noten X 英國品牌 S.S Daley亮相大球場並壓軸出場演出，甫出場問全場觀眾「場波好唔好睇呀？」球迷報以海嘯式歡呼聲，隨即送上《癮》，更邊走邊唱足全場！首次踏足大球場演唱的Simon興奮謂：「今次係我人生首次喺大球場獻唱，呢度一直係我想踏上既地方！無論係踢波定唱歌相信都好難得！未出場前，我已經好緊張，好彩可以調整狀態冇影響現場LIVE！好開心！好榮幸！」
左圖: (左)文迪斯及(右)卡華路
中: 大衛韋拿
右圖: 其偶像門將大衛占士
同時，Simon能見證國際名宿與本地足球隊同場比賽，開心到去主看台一齊玩人浪：「 特別係因為我以前踢開係守龍門， 所以今次親眼見到大衛占士同范俊業都好興𡚒。 睇足十球，腳腳精彩，絕對係人生一個成就。好開心可以有一個對住逾二萬人唱歌既機會！多謝賀歲杯！」Simon更自爆於後台與七位名宿 如迪比亞路、托迪、大衛韋拿、佩奧爾、希比亞及其偶像大衛占士等等，面對面傾偈兼影合照自肥！Simon亦正密鑼緊鼓，與陳考威(Gareth)製作下首新歌！
左: 托迪
中: 佩奧爾
右: 迪比亞路
Comments