新城廣播主辦 i-concept 全力贊助《那些年的．歌唱比賽》2026 第一季圓滿舉行三屆元老陳世耀終封冠 成功克服妥瑞症 鼓勵患者勿灰心星級評審唐韋琪：藝術可療癒特殊需要人士

由新城廣播主辦、i-concept 全力贊助的《那些年的．歌唱比賽》2026 第一季，已於前日（12 日）於 SPARK MEN 舉行。今屆主題為「開心快樂時尚Vibes」，九位脫穎而出的參賽者以輕快歌曲一較高下。結果由三度參賽的陳世耀成功克服妥瑞症終於奪冠，激動落淚；亞軍則為選唱《黃金時代》的吳文生；季軍鄭翠嫻演唱《In Love Again》。而社工何佩珊演唱《我的驕傲》，為鼓勵年輕人感觸落淚，雖然最終落敗，但卻感動全場。新人歌手華浩然則擔任表演嘉賓。

是次比賽的專業評審團邀請了歌唱老師唐韋琪(Vikki)擔任星級評判，與及新城廣播總經理（項目及商業事務）朱靜宜、新城知訊台台長程凱欣、新城廣播音樂總監馬永齡。

冠軍陳世耀三度參賽終圓夢 自揭患妥瑞症

冠軍的陳世耀憑《浮華亂世》獲得評審一致青睞。他曾兩度參賽失利，今次第三度挑戰，終

於登上頂峰。程凱欣對他讚不絕口：「恭喜你呀，終於長大啦！唱得好放，仲可以再放。」

陳世耀在賽後訪問中坦言，新城廣播的評判真正能令他進步：「其實我自己都玩過其他比

賽，但好多時候評判唔會講評語，百幾二百個參賽者唱完就『叮』一聲落台，自己唔知邊度

要改善。」他感激新城廣播的比賽讓他成長：「呢度嘅評判好專業，會講你嘅問題喺邊，令

我一次比一次有進步。」奪冠一刻，陳世耀激動落淚。他坦言：「今次係我第一次喜極而泣。以前細個參加比賽都有贏過少少獎，但嗰啲只係小型比賽。今次呢個冠軍，係證明自己努力咗咁耐，終於有回報。」

訪問中，陳世耀更首度公開自己是一名妥瑞症患者。他透露：「我細個已經想唱歌，但因為

呢個病，身體成日有控制唔到嘅動作，例如眨眼、縮頸，嚴重起嚟仲會『熬』出聲。學唱歌

比一般人難好多。」他回憶十八、九歲開始接觸唱歌時，身體不受控的徵狀大大影響學習進

度。「今日好開心得到大家認同，證明自己練咗咁耐係有啲交代。」

以音樂為病患者發聲並鼓勵勿灰心放棄

陳世耀更道出參賽的終極心願：「我好想幫呢個族群嘅人發聲。我想話畀大家知，妥瑞症患

者都可以同正常人一樣追夢。就算身體有缺陷，都唔需要放棄或者灰心。只要努力，係會有

成果㗎！」他透露自己曾入圍《中年好聲音》一百強，可惜因唱功未夠扎實而止步。「我希

望透過自己嘅歌聲，令大家認知原來妥瑞症患者可以同正常人一樣，有自己嘅夢想可以去追

尋。」

唐韋琪鼓勵不要埋沒自己

唐韋琪在訪問中回應陳世耀的分享。她本身任教唱歌多年，接觸過不少有特殊需要的學生：

「所有藝術性嘅嘢都可以幫助佢哋，令佢哋知道自己都做得到。藝術可以拉近人與人之間嘅

距離，令人哋了解同欣賞佢哋。」她大讚陳世耀的努力比一般人加倍：「佢哋一旦有夢想，

堅持同努力係比一般人更加犀利。佢哋會確認自己做得到。希望大家唔好埋沒自己，要繼續

追夢。」

社工何佩珊唱《我的驕傲》淚灑舞台

任職社工的何佩珊演唱《我的驕傲》時激動落淚，她透露：「今日第一次入到決賽，所以唱

《我的驕傲》，希望藉住呢首歌同年青人分享同埋鼓勵佢哋。」感動全場。程凱欣讚揚社

工：「呢位社工好偉大！我姐姐都係做社工，覺得有使命感，盡力去幫。」唐韋琪邀所有參賽

者大合唱經典兒歌《夢中天使》氣氛高漲

唐韋琪應邀擔任星級評判兼表演嘉賓，她不單止勉勵參賽者，演唱時更邀所有參賽者一齊大

合唱其經典兒歌《夢中天使》，即時掀起全場高漲氣氛。另一位表演嘉賓華浩然則唱出新歌

《最差的人》及林子祥的《分分鐘需要你》。

獎品方面，冠軍獲得 TGC x ANGEL RO 純淨飲水機（價值 HK$3,680），亞軍獲得 TGC 23

公升抽濕機（價值 HK$2,980），季軍獲得 Philips AFEK ADD5981（價值 HK$1,688）。

賽事吸引各地人士參加

今次歌唱比賽共收到約 500 個查詢及 400 個報名，參賽年齡由 14 歲到 70 多歲，最後選出

十位進入決賽，其中一位臨時缺席。大會亦收到來自大灣區、吉隆坡及美國的報名，反應熱

烈。

主力贊助： i-concept

場地贊助： SPARK MEN

獎品贊助： 駿盈世紀有限公司

活動相片