top of page

尹光殺入吒叱我最喜愛男歌手五強 鬥強敵 MIRROR 軒公維園Show驚喜現身壓軸High爆全場 預告獲獎最想做一件事!

已更新:2023年11月27日


近期大受網民歡迎的尹光「光B」昨(24日)正式殺入吒叱我最喜愛男歌手五強後,晚上到維園為國際體壇盛事 FIBA 3x3 世界巡迴賽 — 香港大師賽 2023 之3x3 VILLAGE任壓軸表演嘉賓,開Show 前光B非常識做,途經不同特色檔位時停下與大堆市民打卡,在檔前擺Post玩樂,體驗嘉年華氣氛,又在大賽 3人籃球場與主辦方-籃總副會長Kenny 一同比拼射籃,眾人見到他即驚喜歡呼。



表演時段 光B 甫出場即令全場觀眾High爆,DJ 女神 LOKYII 特意 Remix 了一段名曲《少理阿爸》Tag 光B 出場,全場即興奮大叫「光B」震撼維園!他一連唱出三首名曲《數波波》、《掂呀》、《Dear Myself》,在場觀眾大喊 Encore ,又揮動手機閃燈舉起雙手支持光B,全場無數掌聲、歡呼聲,氣氛超好。見到台下觀眾氣氛熱烈,表演期間光B都不斷向觀眾謝票,感謝大眾的支持和投票令他可以殺入叱咤樂壇「我最喜愛的男歌手」5強。


光B成功入圍與張敬軒、姜濤、陳卓賢和盧瀚霆一同競逐叱咤我最喜愛男歌手,他表示:「好開心,由入圍開始到十強、七強,然後到現在五強,真的完全無估到,唔敢諗可以真係攞獎,隨緣就好,得失對我嚟講無所謂了,嗰陣嚟香港時報細咗幾歲,其實依家79歲,就快80歲喇,最緊要身體健康。」全靠 《一人之境》、《Dear My Friend》AI 熱潮爆紅的尹光,更令原唱姜濤都表示要跟他學習,但光B則說:「應該我向姜濤學習就真,佢首《Dear My Friend》我聽過好多次,真的唱得好有感情,好好聽。而我較年長,把聲又沙啲,梗係冇佢哋唱得咁好聽。」


光B又提及若今次真的成功得獎,他會請林家謙、張敬軒等全部一齊上台,他說:「好耐以前已經認識軒公,同佢同台唱過歌,當時我一聽到佢把聲,已經知道佢大有前途,把聲好好聽,佢啲名作,好似《隱形遊樂場》、《俏郎君》,我都好鍾意,我睇好佢攞獎。」





7 次查看0 則留言
bottom of page