防毒時尚新服飾系列誕生！毛舜筠攜手INNOTIER打造MOMOZONE
老公做「幕後高人」全力相助 實踐引領舒適型格時尚潮流
香港創新科技公司INNOTIER成為首個及唯一一個可持續時尚、衛生高科技品牌亮相澳門服裝節2023，今年INNOTIER與毛舜筠獨家聯乘的時裝系列MOMOZONE正式登場，為隆重其事，品牌於日前（21日）假澳門威尼斯人金光綜藝館的澳門服裝節舉行時裝騷，毛舜筠更首踏天橋展示全新、獨特的秒殺病毒服飾系列，產品選用INNOTIER獨家、世上唯一取得八大專利功能的布料製造而成，於疫情期間已幫助過不少人平安過渡，毛舜筠與INNOTIER 創辦人好友Juliana 二人特別於台上分享其設計理念。
INNOTIER結合「衛生科技」、「可持續發展」及「時尚生活」三大元素為理念，製作多款科技時尚生活產品，旨在讓大眾享受可持續的健康人生。其中，INNOTIER以專利銀織抗病毒科技織入美國Ionic+:tm:純銀線，製作抗菌銀紡織布料，有效於30秒秒殺99%冠狀病毒，更可防塵蟎、抑制口罩、衣物及日用床品表面細菌，保護其免受微生物及病毒影響，而且更是防曬、除臭、防蚊及防敏感。即使經過500次洗滌後功能仍一致，高品質和多元化的系列產品獲多項國際認證以及獎項，全方位為生活提供最佳保護和時尚感，使抗疫不再是「期間限定」的衛生意識，而是融入生活的日常，全面保護健康。
過去三年的疫情，讓全球衛生意識提升，人們對環境及日常的衛生要求大大提高。向來追求健康、高品質生活的毛舜筠，疫情期間就一佩戴Innotier能可持續重複使用的防毒口罩，亦非常欣賞INNOTIER的理念，今年首度合作推出時裝系列MOMOZONE「防毒時裝」。毛舜筠更親自到澳門出席澳門服裝節時裝騷，與INNOTIER創辦人林曉盈（Juliana）齊齊介紹全新可持續時尚防毒服飾系列，Juliana提到兩人合作的起源：「我同Teresa（毛舜筠）識咗好多年，大家無所不談，而且對生活同樣都好有要求。合作是因一次閒談了解到Teresa 的夢想說起。」
毛舜筠亦細說因由並大讚銀紡織布料非常神奇：「三年前疫情嗰陣，我周圍撲緊口罩，Juliana就同我介紹佢呢款，跌咗落地都可以即刻戴返嘅口罩，我覺得好amazing。我知佢做呢個布料嘅期間好鍥而不捨，先做到秒殺99.9%新冠病毒效果，於是就同Juliana講，如果可以有啲衫幾時都着得嘅，就算着住瞓，瞓醒加件背心又可以出街，又有型㗎呢？原來呢個idea一直喺佢個腦仔儲咗咁耐。」事隔近三年，兩人終於在短短60天準備時間，就推出到適合任何年齡層的MOMOZONE抗菌時裝，期待讓大眾享受最舒服、最保護同型格時尚感十足的服飾。
毛舜筠笑謂品牌系列命名為MOMOZONE是Juliana的主意，她說：「我個ZONE就係煮食、健康、時裝同運動，而喺我個ZONE入面，個個都要好輕鬆、好放鬆嘅。我自己追求啲衫，着出嚟要好舒服、好輕鬆，唔單單係我着得舒服，要睇嗰個都舒服，又要型喎！加上INNOTIER嘅布係攞咗專利，即係人哋係做唔到㗎嘛，所以佢叫我合作嘅時候，我話『正呀，就出呢樣嘢啦』。」毛舜筠認為時裝並非只是穿在模特兒身上，而是年青人、成年人及長者亦可以着出自己的韻味與風格才算成功，加埋功能性及防毒就完美。
毛舜筠又感謝「幕後高人」丈夫區丁平全力支持，以專業眼光提供意見，笑指自己從來不是設計師，過去三十年亦由設計師指導她的服裝配搭：「我嘅Designer就係Tony Au（區丁平）我老公，有佢喺度我定好多，如果唔係隨時要我交貨，我真係唔知點算。我諗我嘅意見對佢嚟講好有挑戰性，所以佢都好投入去做。」
毛舜筠亦稱讚丈夫是幕後功臣，今次合作令大家一起做了一件很快樂的事：「佢真係大師，呢方面我好尊重佢，同埋佢畀嘅意見好有建設。」毛舜筠笑言兩人在生活上，有時都有衝突，但在這次INNOTIER X MOMOZONE的設計上，她笑言「冇得有say」：「佢真係有多一隻眼，喺呢三十年婚姻入面，我見到佢喺呢方面真係有天賦。佢一叫我『轉個圈』我就轉個圈，『打側睇吓』就打側。」身旁的Juliana亦和應見證毛舜筠對住丈夫心心眼：「佢哋個交流好好，好和諧，同埋佢哋真係令成個系列產品盡善盡美。」
毛舜筠對於見證MOMOZONE於「天橋」展示，她說：「我好開心、好欣慰，希望將來愈嚟愈成功。」又透露12月，MOMOZONE將有更多新款式推出。至於屆時會否以丈夫及兩個女兒為設計靈感？她表示丈夫已經掌握全家的喜好，而且眼光更闊：「唔止我哋，甚至連我媽媽着都會好好睇。」
毛舜筠又表示做夢也沒想會出到一條 Fashion Line，今次做到了，所以十分期待：「其實除了T恤、褲和背心，秋冬有羽絨背心，還有斜孭袋和帽，正式發佈應會在12月。」毛舜筠亦特別提到衣服物料具8大專利功能，集舒服和型格於一身，又特別推介MOMOZONE系列的背心：「一件有帽的背心，已足夠應付香港的冬天，而且背心的衫腳設計獨特，任何身型都着得有型；相信單品在不同場合提供無限穿搭可能，實踐可持續時尚。」
同場亦有資深 DJ 侯嘉明一家撐場，其兩個女兒加手抱嬰兒都活潑可愛，與丈夫一家五口同穿上INNOTIER 色彩繽紛的抗菌休閒系列為大會示範。她還透露孩子非常喜歡品牌出品的枕頭，常常抱著愛不釋手。
另外，早前吳慷仁在活動上表示想與毛舜筠合作，她說：「有人話咗畀我知呀，我梗係好開心，有個年青人想同我合作，我又咁鍾意幫年青人。再加上佢套戲係心潔（李心潔）監製㗎嘛。我真係好鍾意心潔㗎，佢之前開演唱會，我都特登去台灣睇，所以喺佢呢個戲上面嘅任何合作，我都好歡迎㗎。」
Comments