薛家燕日前（8日）以星級代言人身份現身將軍澳UNY，為德國卡爾牌廚具Carl Schmidt Sohn首次聯同UNY、APITA及千色Citistore推出廚具系列換購項目宣傳。德國卡爾牌廚具Carl Schmidt Sohn擁有194年歷史，多年來以產品質素及大眾化的價格，獲得消費者認同。由即日起至8月27日，於UNY、APITA及千色Citistore購物滿$300，即可以超值優惠價，獨家換購，德國卡爾牌廚具Carl Schmidt Sohn的廚具系列。
家燕姐今日以粉紅花花造型現身，她與好拍檔兼活動司儀安德尊（大王），即場示範品牌的壓力煲，家燕姐說：「我而家好鍾意入廚，以前唔得閒就少入廚房，因為舊嗰啲廚具又重又大件，您睇我隻手咁幼，真係拎唔到，用呢個牌子就唔同啦。佢啲設計符合人工力學，煮得又快手，仲可以保存返啲營養，所以有呢個品牌之後，唔使我入廚，係新抱幫手煮。」
大王問家燕姐省卻烹飪時間，是否有更多時間「湊孫」？她笑謂：「我唔係湊孫，係玩孫。」除了「玩孫」，家燕姐當然把握機會與現場觀眾齊齊玩遊戲送禮物，讓大家享受愉快的週末。
家燕姐於活動後受訪，她大讚新抱是廚藝高手：「佢好鍾意煮嘢食，所以孫仔都會一齊整，有時整吓蛋糕嗰啲。我就多數煲吓啲養生湯水，最拿手就係蒸魚，啲肉好似我啲皮膚咁滑，孫仔都有一齊食，不過太鹹嗰啲就唔得。」問到好朋友A君有否試她的手勢？家燕姐不禁甜笑說：「佢有試過，未食都心甜啦，我整過心型蛋糕畀佢，不過佢怕我辛苦。其實我而家有呢套廚房真係好方便，但係我唔鍾意洗嘢，佢話我煮佢洗。」
家燕姐又特別為好拍檔大王送上驚喜：「我準備咗封利是畀佢，大家都睇到佢係個『家庭煮男』，世界各地都通晒關，係時候要（結婚)啦，佢份人情我都準備好㗎啦，好大份㗎。」身旁的大王笑指一切聽從家燕姐的說話，至於是否有好消息宣佈？大王表示屆時再通知大家。
