呂方為入行40年於3月4日、5日紅館舉行「Classic 40」演唱會四出宣傳，好友歐信希邀請 呂方接受新城電台節目《傾心相聚》訪問，兩人更談笑風生話當年。原來歐信希跟呂方交情非淺，長達40年之久，當年15歲的歐信希與年長幾歲的呂方，1983年參加第二屆新秀歌唱比賽，歐信希入了15名，呂方獲得冠軍。
歐信希跟呂方乃同門師兄弟
其實他們兩人淵源更是同屬已故歌唱老師戴思聰門下，1980年歐信希12歲跟戴老師學唱歌，呂方1983年在黎小田介紹下，戴思聰成為他的歌唱老師。所以歐信希笑言是呂方師兄! 當年一起參加比賽，歐信希說呂方一開聲就是無懈可擊 ! 不過呂方話自己當年很離群，很古板 。
「 我經常坐埋一邊，又唔合群 , 好cool，你哋個個都好新潮，我好薯嘜，頭髮長，唱歌仲著中山裝 ! 」
呂方難忘跟梅姐登台被扣留8小時
呂方在訪問中向歐信希講了一件初入行很少提及的難忘事。
「我記得84年突然間話要去登台，有梅姐 (梅艷芳)、蔣慶龍，未知是否大家嘅工作證未能及時辦好，入境時全部人被扣留左喺一間房間8個小時，因為有梅姐在場，時間就好快過，8個小時不停跳舞唱歌，梅姐仲完全唔驚，話大不了就返去 ! 喺8個鐘之後終於有人救左我哋出去，順利入境。」
呂方倫敦巧遇陳百強心情興奮
此行登台的最後一站是英國，呂方還有一件興奮事。
「喺倫敦酒店見到一個文質彬彬、官仔骨骨嘅靚仔，當時佢著住一件長褸，擔住支煙翹起腳，只睇到佢嘅側面，原來係陳百強，我第一次見陳百強，好靚仔又好有型，我即刻起身想衝埋去叫簽名，但公同事就撳住我，叫我唔好失禮，話我係新秀，唔好咁衝動 !
呂方想演喜劇
入行40年，呂方亦拍過幾部劇集，歐信希問呂方如有機會再拍劇集想演甚麼角色，呂方竟然話想做衰人! 但歐信希問呂方想演喜劇或悲劇時他說不要演悲劇。
「一把年紀拍喜劇好些，年紀大就好想開心，我連睇戲都唔想睇悲劇，而家對住個女日日都做緊喜劇 ! 」
歐信希跟呂方互相分享對獎項感受
歐信希與呂方共通點是多年來仍然很熱愛唱歌，對於樂壇的獎項，訪問當中亦互有分享。呂方說 : 「再攞唔攞獎，對我嚟講仲有咩作用呢? 畀個終身成就獎或金針獎也不用了。我有一些歌曲係大家鍾意，開演唱會仲有人聽，就已經好幸運。最開心係我有一個女，一世人都諗唔到會發生嘅事，現在才發覺我好鍾意家庭 好鍾意小朋友 。」
歐信希說 : 「如果有獎我會想拿，係一個認同，一個嘉許，不過冇獎係咪代表自己失敗或者首歌唔好呢？ 絕對唔係 ! 不會因為一個獎項而唔開心。 」
呂方有女有妻深感滿足
今次訪問，呂方一提到兩歲半囡囡就心情大靚，更講了從親手入產房剪臍帶到捱更抵夜餵奶的經歷，不過呂方很樂於付出，而現時囡囡兩歲半，是否已比較輕鬆一些呢?
「囡囡朝早一起身就來拍醒我，所以由佢出世開始，我就長時間都唔夠瞓，以前冇眼袋而家有眼袋 ! 但有女萬事足 有妻亦萬事足! 」