top of page

盧海鵬主演網劇《千金難買心頭獎》何天嵐 Wren謝高晉大讚鵬哥氣場搞笑Wren愛穩重男生 高晉曾遇購物狂女友好友楊埕Terra驚喜探班


謝高晉、何天嵐( Wren)日前為Youtube頻道拍攝網劇《千金難買心頭獎》,更找來盧海鵬(鵬哥)擔任特別嘉賓。何天嵐( Wren)大讚鵬哥好nice,而且有對方出場的戲份都好搞笑。高晉隨即附和說:「鵬哥真係一出來已經有個氣場就係搞笑,roll機定仲未roll機都已經有好多笑料出現。」當日他們的好朋友楊埕亦有驚喜現身探班。


網劇《千金難買心頭獎》,主要講述男女關係,飾演情侶的Wren和高晉就介紹,「有睇之前嘅片都知佢係一個專制的女朋友。而今次都是幾專制,希望大家看完不要話佢,哈哈哈,佢唔係咁。」至於現實中Wren是否一個專制的女朋友,Wren笑言自己現實中是一個射手座女生,比較喜歡崇尚自由的戀愛,不喜歡太約束,喜歡伴侶有適當的空間去做自己喜歡的事情。


談到現實中喜歡什麼類型的男朋友,Wren直言希望是穩重、開朗和陽光,「我都鍾意男朋友氹,男友氹自己係個甜蜜行為,女孩子偶爾同男友撒嬌也是增進感情的。」她回憶起,有次她生病了不能外出,男朋友每天送藥,又會買她喜歡食的東西給她,令她好難忘。


身為「暖男」的高晉被問到平時如何氹女友?他直言:「通常都係帶佢食啲佢鍾意食嘅食物,耐不耐就整啲小禮物俾佢,但講到最易氹就肯定係做佢嘅柴可夫司機,喺佢收工嘅時候接佢再同佢去食飯。」


談到有沒有遇過購物狂女朋友,高晉就顯然有點迷茫,並說到,「因為女孩子通常都會鍾意買嘢,雖然買返嚟未必一定會用,但係佢哋好享受嗰個過程,當然最好肯定喺佢身邊陪佢購物,因為起碼同佢分析有邊啲嘅屋企已經有,可以節省少少。」不過他指以前女朋友都算是一個購物狂,好多時買東西給自己之餘,亦都會幫他買好多不同的衫褲,打點一切。


對於女友曾經為高晉做過的感動事,高晉回憶當初最難忘是一次去上海旅行,但因為為了陪自己在十度以下跑步,導致生病,以致餘下旅程只可以在酒店渡過。「知道對方願意為自己做一啲平時唔會做嘅事,甚至成為自己的樂趣,的確係一件好感動同幸福的事。」



12 次查看0 則留言

コメント


bottom of page