香港出世嘅美國華裔女星劉晨芝(Adrienne)自細喺美國長大並加入娛樂圈,成為歷來首位打入美國Billboard流行榜頭20位的華人女歌手,亦喺美國《格林美音樂獎》同各大影展紅地毯常客。日前佢無懼疫情受邀飛去意大利威尼斯影展,以一身螢光黃色性感晚裝裙配上愈百萬飾物Sharp爆登場,成為香港唯一代表。今次Adrienne有份擔任聯合監製兼演員的電影《The Card Counter》入圍了威尼斯影展主競賽單元並角逐最高榮譽金獅獎,認真威水。踏上紅地毯之際,吸引不少國際媒體採訪,其流利英文更被當地記者讚賞。佢表示自己從就讀UCLA(洛杉磯加利福尼亞大學)開始已有修讀演藝課程,並跟唔同教授修讀方法演技,自細已夢想成為國際電影中嘅演員。今次《The Card Counter》入圍了威尼斯影展 ,Adrienne 同曾演出電影《星球大戰》中的男星Oscar Issac <圖片:白色上身西裝褸> 、於超級英雄電影《X戰警：天啟》中飾演年輕版本獨眼龍 的24歲年青男星Tye Sheridan <圖片:黑色西裝褸.黑煲呔> 以及跟馬田史高西斯多次合作的編劇,今次為電影執導的Paul Schrader <圖片:黑色背心.短白裇衫> 與電影團隊齊齊行紅地毯。Adrienne大讚三位男士好Gentleman: 「威尼斯呢個浪漫水鄉,我哋女士著住條大晚裝裙同高踭鞋上上落落啲細船穿梭紅地毯、劇組研討會、After Party等場地。男士們都好禮讓,好Take Care我哋。After Party大家食下Finger Food、Pasta又飲杯酒,傾下合作都好Relaxing。」佢又話出發前喺香港買咗龍鬚糖、蛋捲、鮑魚麵等特產送比劇組,佢哋都覺得好有趣。身為聯合監製的Adrienne更加想帶隊嚟香港,等佢哋感受下呢個繁華都市,更加想作為一個橋樑去聯合更多香港演員同團隊跟國際電影合作。講到其電影《The Card Counter》入圍了威尼斯影展主競賽單元並角逐最高榮譽金獅獎但最後輸咗比法國劇情片《發生》(L'événement）,無緣攞獎。Adrienne就話完全無失望,能夠代表香港人出席國際咁大嘅電影盛事感覺好榮幸,仲識到好多國際級電影團隊同演員。適逢今年正日生日喺威尼斯影展渡過,劇組都好有心為佢準備生日Party。問到疫情下當地嘅情況? 佢話影展方面都十分緊謹,逐一要檢查晒大家有無打針同埋要做抗體測試先可以入場。正藉回港隔離嘅Adrienne話此行好滿足,話
就算要隔離14日都覺得值得,隔離後先補搞生日Party慶祝。而今次之行Adrienne都有爭取時間去唔同景點拍攝,其節目《劉晨芝威尼斯日誌》將於今晚(9月20日)起分段在TVB娛樂新聞報導內播出。