單身阮兒相約許嘉浩共渡情人節 望迎春接福


今日大年初三兼一年一度情人節,剛剛回覆單身的TVB混血咪神阮兒(Chloe)就加入了「單身貴族」相約了其好友形象指導許嘉浩(Karl Hui)孖住喺銅鑼灣紅堂過一個火辣辣嘅情人節,並共渡情人節食甜密大餐,更為Karl的星級飲食頻道拍試食片。 適逢「牛」年,阮兒(Chloe)好應節攞起脆脆「牛」利酥點個情人節甜蜜朱古力火鍋醬,貼心地餵在旁嘅Karl先試。而自己就甜絲絲地試心形棉花糖伴朱古力醬,童心未泯嘅佢仲等唔切攞起個象徵甜蜜煙韌嘅爆炸糖甜絲絲拔絲麻薯甜品大口試食,又不時同Karl Selfie。在拍片時面露開心表情嘅Chloe似乎心情大靚,完全無受剛宣布分手一事而影響心情。 問到今日嚟食甜蜜情人節大餐會唔會觸景傷情? Chloe就話:「完全唔會,做人要Move On! 新一年啱啱好重拾自我,送舊迎新。新一年New Start自己都為自己定落咗好多Plans。」經常去歐洲及外國闖盪嘅Chloe表示好掛住之前去瑞士食過嘅朱古力火鍋。 疫情下好耐無得飛嘅佢估唔到喺香港都有得食番呢個瑞士朱古力火鍋,身為「辣妹」無辣不歡嘅佢好驚喜朱古力醬甜之餘仲帶點剌激嘅辣味,笑言似足佢同Karl咁,大呼「Hot and Spicy !!」Karl就表示情人節其實唔一定要同情人過。同閨蜜或屋企人過都一樣好Sweet! 佢仲話知道Chloe剛剛回復單身,大時大節食好嘢都叫埋Chloe,等佢都感受到Sweet嘅氣氛。 Chloe都話之前喺荷蘭都試過同一班Girl Friends過情人節,期間去超級市場買餸煮晚餐時仲比人哋誤會為女同志。飲多兩杯香檳嘅佢哋仲大爆之前拍拖嘅情史同最難忘嘅情人節。 不愁寂寞嘅Chloe仲多謝身邊好多閨密輪住陪佢,又多謝Karl喺佢有需要嘅時候同佢傾計,又推介咗一系列「心靈雞湯」嘅書藉比佢調整自己嘅心情。將於初五番TVB出席新劇《十八年後的終極告白2.0》活動嘅佢積極做好準備,形容成近兩年最Fit狀態嘅Chloe真人真喺Fit爆,短時間靠運動減咗五、六磅嘅佢仲力保到豐滿上圍無跌Cup。佢話新年都唔咁放肆食大餐同最鍾意嘅煎蘿蔔糕,今日情人節就留個Quota同Karl食盡一餐朱古力火鍋。 講到正密密圍讀新劇劇本嘅佢今次喺新劇有女同志角色,都有諗番起之前喺荷蘭同一班Girl Friends嘅相處模式,更向TB朋友借了個紥胸內衣試戴咗一日感受下。自言今年全面Focus工作的Chloe表示暫時都唔會諗拍拖啦。除咗拍劇外,新年計劃多多嘅佢仲主動向身旁的Karl一直做開嘅飾物品牌計劃自薦Crossover合作推出閨密飾物系列。 而Karl表示正忙於三月份白色情人節時推出「Princes and Princesses 」王子與公主系列緊扣情侶飾物系列。更因應現況推出口罩鏈飾物及消毒搓手液隨身時款頸鏈系列,新年計劃多多。


16 次瀏覽0 則留言