放假想搵新地方行街打卡？相信大家呢幾日都被灣仔新開張、佔地足足 3 萬呎的「京東MALL」洗晒版。呢度主打「先玩後買」的沉浸式體驗，同一般行電器舖睇 Display 完全兩回事！KS Media HK 小編尋日（星期六）就決定親身幫大家探路實測，估唔到開幕幾日熱度完全無減，現場仲有好多意想不到的黑科技同好玩專區，即刻送上小編的週末探店一手直擊！ 🔥 週末現況：人潮擠爆正門！現場驚現「對唔住，招待唔到」告示 尋日一到正門就已經被現場畫面震撼到！雖然 18 號就已經正式開門營業，但週末的威力果然厲害，人潮直接擠爆入口。由於店內人數太多，大會為了安全直接實施人流管制，門口仲放左一塊非常接地氣的「對唔住，招待唔到」紅頭道歉告示牌。入口旁邊仲有一隻超大隻、金屬賽博朋克造型的「Joy」狗狗公仔，路過的市民基本上都要停低影相，場面極之熱鬧！ 🗺️ 3 萬呎旗艦空間：跟住地圖進攻各大專區 一入去如果不看地圖真的會蕩失路，小編隨手影低左呢張官方的門店導覽圖，3 萬呎空間劃分得好清晰，大家入場前可以先鎖定目標： 📱 數碼科技與手機核心區：一進場最中央的位置，匯