羅沛琪向參賽者「毒舌」 盆骨受傷入院放閃曬幸福

藝人羅沛琪日前出席由慈善團體「築子林慈善基金會」主辦的《築夢好聲音歌唱比賽》擔任司儀，佢希望可以擔任比賽評審，盡情向參賽者「毒舌」：「其實自己睇電視呢都會去評吓啲參賽者，今日見到有啲學生參賽，真係好青春，我反而替佢哋緊張！我自己都係過路人，識得點揀歌先係好緊要，如果揀啲太挑戰、太難度嘅話，我又覺得有啲危險！」

高燒 40 度盆骨移位入院！羅沛琪大讚老公細心放閃曬幸福

提到早前 Pinky 不適入院，佢表示現已康復，仲勁 Sweet 大讚老公細心照顧：「其實係嗰個腰骨問題，我嘅盆骨移位，可能成日做嘢著高踭鞋，成個人都好痛，加上當時持續發高燒到 40 度，要臥床留醫好一段時間。」

被問到老公有沒有貼心照顧，Pinky 甜蜜表示：「當然係啦，佢都夠晒細心嘅！」

首度回應會否影響生BB！Pinky：客戶肯遷就覺得好幸福

至於盆骨受傷會唔會影響未來生小朋友？Pinky 隨即笑言：「啋過你咩！冇事！今次大病之後，好多客戶都體諒要時間休息，都知道我唔可以著高踭鞋，佢哋都肯遷就我時間，都好幸福嘅！」