與23個音樂單位走進校園 繼續「停一停 聽一聽 講一講」｜【電笠】人人和音 School Tour 第四季 正式啟航

活動簡介：人人和音 School Tour 第四季

【電笠】人人和音 School Tour 第四季 正式啟航周國賢兒時曾被阿媽丟晒手繪漫畫 Sica因姜濤獲家人支持做歌手曾傲棐、吳啟洋、曾比特、李晞彤以「夢想中的另一個我」為題 近距離與同學們齊齊追夢

文化藝術生活平台【電笠】自2024年起邀請不同音樂單位一同走進校園舉辦《人人和音 School Tour》，目的是透過分享、互動環節與音樂，讓同學們暫時放下學業的壓力與種種挑戰，並從中有所得着。過去《人人和音 School Tour》已聯同62個音樂及電影單位，走進全港31間中學及大專院校，與12萬名學生作近距離交流。今年《人人和音 School Tour》已經來到第四季，繼續帶同23個音樂單位及不同領域的專業人士，到訪10間中學，電笠特意選了「夢想中的另一個我」作主題，與同學們分享他們的「夢」。

主題：「夢想中的另一個我」

今季以「夢想中的另一個我」為題，透過分享、互動與音樂，讓同學們在繁重學業中停一停、聽一聽、講一講，重新整理心情，從不同嘉賓的經歷中得到鼓勵與啟發。

嘉賓分享：周國賢、Arvin、Sica、Phoebus、曾比特、Carina

周國賢、曾傲棐（Arvin）、Sica 何洛瑤、吳啟洋（Phoebus）、曾比特、Carina@VIVA 李晞彤分別到訪聖母書院、西貢崇真天主教學校及聖文德書院，與同學們分享他們的夢想之旅。周國賢因為電影《捉鬼敢死隊》想做「敢死隊」、醫生及畫家，後來才當上歌手：「細個試過用六本單行簿，畫咗自己嘅漫畫出嚟，真係會有同學傳閱，仲有其他同學都畫佢哋自己嘅漫畫，但係有日我媽媽發現咗，第二日嗰啲漫畫就冇晒，我都好沮喪，後來發現音樂都好好玩，初初學音樂仲激到爸爸媽媽紮紮跳，哈哈。」他透露入行前寫歌很純粹，但成為歌手後亦曾經有迷惘：「嗰時有人叫我要寫『中』嘅歌，我真係唔識，最後我發現都係要做自己鍾意嘅嘢。」他強調「行咗先」，做下去其他問題自然會迎刃而解。

Arvin笑謂自己從未有「我的志願」：「我記得細個老師問我大個想做乜，我淨係會諗自己讀到咩同做到咩，不過最好就梗係唔使做啦，想做歌手都係中學畢業後嘅事。」未正式入行前，在街頭獻唱的他受過不少無禮對待：「會畀人當係乞丐，有時啲人會掟一、兩毫子畀我，嗰陣我就決定『要企上正式舞台，用表演嚟證明自己』！」Arvin表示夢想與職業之間，多了一份責任，要開放自己接納別人的意見，又寄語同學們：「做自己鍾意嘅嘢唔會覺得辛苦，你會有種幸福感。」

Sica自言非常幸運：「我媽咪好鍾意姜濤老師，所以佢好支持我。其實唔止歌手，而家睇Threads，好多人都會指指點點，我覺得最緊要夠鍾意，咁就唔覺得辛苦，遇到評擊，我會聽歌安慰自己，然後繼續勇往直前。」她謂自己是個不怕做錯的人，但總會有「沙石」：「每次都抱住1000分嘅心態去做，但係有時就係會錯，錯咪錯囉，放低佢，下次再做好佢！」她笑言做School Tour感覺特別青春：「見到台下啲同學撞嚟撞去，我就好掛住讀書嗰陣嘅自己。」同場的Phoebus表示曾經想做職業運動員，慶幸自己有「大心臟」：「我嗰時打手球，到畢業嗰時就知道自己要搵家用，後來就做咗歌手。我覺得最緊要自己鍾意，好似而家唱歌、拍嘢，我都會不停咁鑽研，就算再無天份，只要你花嘅時間夠多，就一定得。」

曾比特兒時曾夢想做消防員，而Carina想過做YouTuber，兩人最後成為歌手，但曾比特表示：「我有問過自己適唔適合做歌手，我覺得要畀啲時間自己去適應，去感受吓自己行緊咩方向。」他笑言入行後才明白唱歌叻不是重點：「最緊要識做訪問，因為你喺台上唱歌嘅時間好少，所以做歌手最緊要識講嘢，因為我入行時都算內向，有時講句嘢都好緊張，呢個係同想像中最大嘅差別。」Carina感謝自己加入了女團，有隊友陪伴並肩作戰：「我覺得自律好緊要，但係我女團出身，覺得有同伴最重要，有時可能做做吓冇咁有熱情，呢個時候有隊友撐住好緊要。」她又鼓勵有多樣興趣的同學，不妨嘗試做Slasher（斜桿族）：「搵兩、三樣自己鍾意嘅嘢，然後堅持。」

校園互動與演出：用音樂為同學打氣

每次分享過後，到訪的歌手們都會透過他們的歌聲，為同學們打打氣，走到台下作近距離接觸，握手、合照、簽名無任歡迎，師生們仿如參加一場小型簽唱會，氣氛熱烈，讓他們在繁重的學業生涯上享受放鬆時刻。

關於【電笠】人人和音

【電笠】聲音www.dl.media內容企劃「人人和音」，以「停一停，聽一聽，講一講」為宗旨，從值得關注的議題角度切入，採訪各界代表人物，並同時開放給大家留言回應，就是每個人也有發表自己聲音和想法的機會，也從別人的分享中發掘出意想不到的角度。

關於【電笠】

【電笠】的創立宗旨「Voice of Contemporary ________ . 」，聆聽當代的聲音，就是以不同角度，發掘出最值得關注的事情。中西、潮流、文哲、藝術、電影、音樂都廣泛且深入淺出地指涉得到。只要我們集結起來，就能夠透過各類型跨媒體創作尋找更多可能性，從而演化成一個貪新戀舊、屬於當代的創作團隊。

Instagram：https://www.instagram.com/dl.thevoc

Facebook：https://www.facebook.com/DL.theVOC

官方網頁：https://dl.media