紋泰博客 #1

FUNPC IG SHOP 24小時網店

大家好,我系紋泰FUN PC 創辦人。

近幾年香港因為遊戲,直播,電競市場迅速發展。愈黎愈多電腦玩家自己組裝電腦,

電腦主機已經變左一件藝術品而再唔系單單一部俾玩家打機既電腦。


電腦鋪頭由原本實體店發展到近年興起ig shop 網店。

實體店通常以售賣零件 砌機服務 周邊產品 各品牌產品,

網店主要系為客人提供組裝自訂主機既服務,更有為客人自訂設計主機零件款式。

好多人砌機都會有既問題係唔知買咩零件好,好驚出去砌機會比人劏。電腦砌機已經變左做零售業本質上應該係服務業

我自身都曾經都經歷過去電腦舖砌機比人劏。

我自己本身又好中意打機,對電腦效能要求都好高,所謂工慾善其事必先利其器,當然要有一部好既電腦先可以打到一個更好既水準。

更吸引我去學砌機係因爲RGB,放係自己間房入面真係一種享受。FB:

所以上個月我就開左間ig shop FUN PC網店幫人砌機。

FB: @fun.pc.fbpage IG: _fun.pc

我會以客人身份角度出發提供一張客人預算内既List,我會盡力解答客人所有既問題。


有一個例子,大家應該未聼過會有一個砌機師父會用6個鐘黎答你問題解釋比你知。


大家可能覺得要解答電腦上問題開個youtube google一下都會揾到,但又幾多人會真係甘有心機去上網做功課先砌機 我覺得9成人都唔會

我有加入既FB群組 好多人都會問 7000 10000 15000 Budget砌咩好。大多數留言都會叫樓主 你上網Google下 或者叫人買廠機。

點解會甘多人問砌咩好,因爲無一個人可以解答到佢地既問題。我唔甘講我自己可以100%解答到客人問題我只可答我會盡力解答,

就算可能問到我真係唔知我都會自己揾出問題既答案,再答反個客人。

我有時ig Post會出下個人評論既文講下當代零件既睇法,歡迎留言交流下。


好多客人問應該砌部咩級數既主機先夠用?要幾錢會唔會好貴?得幾千蚊預數可以砌咩零件?

我可以答你點砌你都會覺得唔夠用,好老實講你有錢咪砌貴d,有限預算咪係有限内砌到最好,邊個唔想砌到封頂。


首先客人要砌一部電腦首先要考慮用途 預算。再考慮預算內可以買咩零件。

最先諗都係離唔開用咩CPU Display Ram

今次同大家講下點揀CPU


Intel i5 12600k 核心數量10/16 6P4E

i7 12700k 核心數量12/20 8P4E

i9 12900k 核心數量16/24 8P8E

AMD R5 5600x 核心數量6/12

R7 5800x 核心數量8/16

R9 5900x 核心數量12/24

以上都係最近比較主流既CPU

最近1至2年間CPU 每代性能效能都會比上一代有好大進步。


如果只係打機既朋友想揀一粒比較有性價比既CPU 我覺得可以選擇R5 5600x 同i5 12600k呢兩粒CPU

已經足以應付現今既主流遊戲。留反多小小預算落Display度會比較好,雖然一粒好既CPU對游戲效能上都有好大既幫助,但打機Display既需求上都係大於CPU

i5 12600k已經有10核16缐 R5 5600X 有6核12缐 無可能五夠打機。


你打機時候需要直播。

比較推薦往上一級考慮i7 12700k或者R7 5800x 佢地有更多既核心數量,多工處理會比5600x同12600k好。有錢既客人當然可以向上看更高級既選擇。


用於工作 剪片 畫圖 設計 大部分人都會選擇R9 5900x或者i9 12900k。應付大量多工處理。


簡單來講打機i5 R5 。打機直播i7 R7 。剪片 畫圖 i9 R9 。當然如果你有多閒錢 i9 R9打機都冇問題! 砌機都係睇預算做人。


特別想講一講我對12代intel睇法。本身我都系比較喜歡用AMD。但見到今代intel 終於唔再系14nm,而採新intel 7 10nm制程 核心分為performance-core 效能核心同Efficient-core 效率核心,大小核心為更有效提升效能同多工處理。

大核心主要用黎處理單線程既工作同複雜指令。

小核心主要用黎處理多工負載,後台工作

個人認為,分大小核心可以有效令到可以令到大核心唔需要處理背景工作,從而令到處理執行中既軟件或者遊戲可以獲更大既優先效能,令到遊戲玩家有更穩定更高遊戲體驗。

今代既z690主機板更加支援DDR5同PCIe5.0,但目前市面上既顯示卡,M.2 SSD PCIe5.0都好似仲未見到影子。DDR5 ram 遊戲效能上同DDR4相比 都未有好明顯提升,有時效能仲比低CL值既DDR4低1-3% 。不過 當年既DDR4 都經過一段時間調整到更高頻率有更低CL ,不過目前黎提如果想向12代intel 入手,用DDR4會比較適合打機既客人 價錢上都省下唔少。

搞到我都有小小想換部intel主機挽下。


最後想提醒大家換機前或者砌新機前,諗清楚自己部機既用途,邊一部分零件需要更多預算,邊一部分可以買同效能但價錢較低既零件。

但如果有閒錢想砌反件貴價又有觀賞價值既藝術都唔會阻止大家。


如果大家有咩問題對以上資料有意見或者有興趣砌反部機,歡迎入黎我既ig shop 留言或者ig私聊我。大家一齊研究下,交流下。

ig: _fun.pc https://www.instagram.com/_fun.pc/

facebook page: FUN PC https://www.facebook.com/fun.pc.fbpage/

97 次查看0 則留言