德國卡爾牌廚具年度重磅新品介紹 工展會獨家優惠贈Fans星級代言人家燕媽媽戶外下廚迎冬至 與安德尊互動添暖意透露早前到加拿大拍電影 正式進軍外語片市場

「全民媽媽」薛家燕日前（14日）到銅鑼灣工展會活動舞台出席「德國卡爾牌廚具Carl Schmidt Sohn HK呈獻：家燕媽媽冬至溫暖廚藝示範兼新品優惠推介」大型戶外烹飪活動，好友安德尊為活動擔任司儀，兩人的互動為現場帶來不少笑聲。

德國卡爾牌廚具於1829年於有刀城之稱的德國索林根Solingen創立，累積195年的廚具製作經驗，結合傳統技術與現代化的設計，為大眾提供高品質及價格親民的廚具產品。家燕媽媽與德國卡爾牌廚具同樣親民又貼心，為報答Fans們多年來的熱烈支持，品牌推出三款全新重磅產品：可拆式手柄廚具套裝、Prepro 高速煲及 Altena 99.6%純鐵廚具系列，讓大眾以更優質的廚具，輕鬆享受下廚樂。會上，家燕媽媽大讚新品，無論是外型還是功能性都同樣出色，她笑謂：「真係好簡單，一撳就拆到，廚房當然要整整齊齊、乾乾淨淨，所以廚具要實用之餘，外型靚又方便收藏嘅，一定加分，煮完仲可以拆返個柄就上得枱，慳返唔使洗多隻碟！」她透露早前到加拿大拍電影時，亦帶同這套廚具套裝：「我個女特登叫我帶，佢哋鍾意自己煮嘢食。」

家燕媽媽大讚Prepro 高速煲及 Altena 99.6%純鐵廚具系列，特別適合講求火候的中式爆炒菜式，短時間內提出食物的香氣及味道，加上耐用又易洗，輕輕鬆鬆就能體驗自煮樂趣。除了親自下廚，最愛與大眾互動的家燕媽媽，當然準備好互動問答環節兼大派禮物，獲現場觀眾熱情回應，齊齊共渡愉快周日。

家燕媽媽於活動後受訪，表示早前先後到加拿大及馬來西亞工作：「走咗成兩個幾月，不過有工作我就精神，真係連Jet Lag都冇，我都要讚吓自己。我去加拿大拍電影版《Rags 2 Richmond》（選美兄弟班），今次由微短劇搬上大銀幕，同香港拍電影好唔同，都有少少難度㗎，我真係學到好多嘢。跟外國導演俾Cue、同埋中英對白夾雜，都要啲時間適應，好在我都跟得到，仲要唱歌跳舞，真係小啲精力都搞唔掂，好在有高速煲煲湯水滋潤一下，keep 住個靚樣，哈哈，我都好期待快啲可以俾大家睇到套戲。」家燕媽媽更笑言是進軍荷里活之作。

至於馬來西亞之行，主要是為新年歌參與拍攝工作，家燕媽媽說：「今年個歌名玩諧音，係好開心嘅，我又同大家載歌載舞，拍MV嗰陣，跳咗成二十幾次㗎。」問到冬至有何安排？她表示會一家人食飯，又大讚有新抱幫助下廚，輕鬆了不少：「珊珊（石𧙗珊）仲喺加拿大拍緊嘢，唔知趕唔趕得切返，但係聖誕後都會成家人去上海玩，每年盡量想一齊去一、兩次，放吓假又陪吓孫。」

問到經常周圍飛，會否考慮減少工作？家燕媽媽說：「蛇年嗰時我話想減少工作，最後都冇減過，好多人邀請我，不過我都好享受，一做嘢就醒神㗎啦。最緊要客戶鍾意我，佢哋又賺到錢，咁大家開心，所以而家唔諗減量啦，安排到就做。」