最享受與Fans共聚預告聖誕繼續優先竉粉辦派對IdG Bubbles 首個專場《超超超級愛！音樂會》圓滿舉行自選獨唱歌單感壓力夢月獲男粉絲跪地送花受竉若驚問及出席各大頒獎禮心情７女生齊聲希望取得好成績

KS Media HK
13分钟前
讀畢需時 3 分鐘

七人女團IdG Bubbles早前假荔枝角83 KLS Townhall舉行首個專場演出《IdG Bubbles超超超級愛！音樂會》，會上除了分拆成不同組合獻唱，成員們更輪流獨唱，為Fans們送上驚喜！IdG Bubbles透露為籌備音樂會壓力大增，幸好現場反應熱烈，令她們好似又過一大步地鬆一口氣。

音樂會開首，IdG Bubbles齊齊登場送上首支團歌《泡泡我！》，隨後由小倬、Yoyo及Cindy打頭陣合唱《Love Song》為整晚主題「七把女生聲音一場愛的告白」揭開序幕。七女生除了分拆成不同組合送上情歌，亦自選最有共鳴的音樂，驚喜獨唱！小倬唱出《給你幸福所以幸福》、Yoyo選唱《I’m Still Loving You》、Kathy送上英文歌《Someone You Loved》、Cindy大展歌藝獻唱韓文歌《Time Walking On Memory》及《我看見今晚的月色很美，你呢？》及 Anesa的《俏郎君》，盡顯她們的音樂及語言天份！

音樂會尾聲時，IdG Bubbles特意與現場Fans一同率先欣賞剛推出的第二支派台歌《超級愛！》MV，現場氣氛熱烈又溫馨，令七女感動不已，最後她們合唱一首由成為偶像女生一期生開始，一直視為開聲作品《愛是最大權利》為是次專屬音樂會劃上完美句號。會後，IdG Bubbles大派粉絲福利，再度登場與大家近距離接觸，有男Fans向夢月跪地送花，令她受竉若驚。

騷後，七女生立即向隊友送上愛的抱抱，場面感動。Cindy表示要先畀掌聲大家：「辛苦晒大家啦！其實，由揀歌到練習，再同樂手夾琴都幾大壓力，除咗要記歌詞，又想成個音樂會可以更流暢。」小倬說：「呢個音樂會很難得，我哋有機會可以獨唱，同埋成個rundown都由我哋從零開始去準備，所以都加入咗好多我哋嘅諗法。今次個音樂會名係超超超級愛，咁有咩係我哋超級愛呢？所以我哋都喺情歌上揀，可能係令我哋有感觸，或者係我哋本身好鍾意聽嘅歌。」對於Fans們的熱情支持，IdG Bubbles亦深受感動，她們亦宣佈聖誕節將會再辦Fans Meeting：「第一年可以同Fans一齊過，記得留時間畀我哋！」對於被問及將被邀出席年尾各大頒獎禮的感受，Yoyo稱：「今年係我哋嘅新人年，好榮幸，我哋準備咗緊張同興奮嘅心情出席。」Cindy續說：「我哋都希望出席各大頒獎禮都可以著得靚靚，同攞到好成績啦。」

提到新歌《超級愛》MV，夢月笑言是個「好凍」的MV：「因為要出海拍，企喺隻船度邊吹風邊跳舞，我覺得自己去咗北極搭破冰船。」Yoyo表示未有吃暈浪丸在船上拍攝，事後暈足四、五天，偏頭痛又想嘔，當晚回studio錄音都只可以平躺休息，完全沒胃口：「見到佢哋食嘢都完全唔想食，好辛苦。」

而Anesa是MV的「論盡王」自爆是全團唯一不懂得踩單車的女生，幸好經理人為她安排載滿汽球的「三輪戰車」：「我仲要做領隊，帶頭踩，但係我真係踩得太慢，導演係咁叫我『Anesa可以踩㗎啦！』、『Anesa踩快啲！』，其實我真係踩緊㗎，不過架車好重。」輪到拍攝飄流瓶場口，Anesa誤聽指令「偷步」擲瓶，雖然攝影師眼明手快衝出拾回，拋上岸時卻不慎撞到家鑾的頭，家鑾苦笑是拍攝的辛酸史，但隊友們搞鬼回道：「我哋feel到佢個人即刻醒返，精神咗，哈哈。」