劉溫馨龐景峰接受新城廣播《寵愛您》訪問爆愛犬吞筆落肚急送院洗胃順便結紮

藝人劉溫馨（Virginia）與男友龐景峰（Andrew）日前帶同 7 歲愛犬 Soda 接受新城廣播羅沛琪主持的《寵愛您》訪問，暢談領養 Soda 的故事與戀愛日常，兩人在節目中甜蜜互動，「閃盲」不少聽眾。

Virginia 透露 Soda 是朋友家的狗誕下很多小狗，由於無容納所有小狗，所以領養了 Soda

回家，她憶述第一次跟愛犬見面的情景：「Soda 一見到我就撲上嚟玩，雖然跳唔高，但就好

熱情，佢個頭同眼睛好大，身體細細粒，真係好得意，我好快畀佢吸引到。」她言：「其實係

佢揀咗我，我根本冇機會去揀其他狗仔。」

然而，Soda 幼時曾發生驚險事件，嚇得他們要急送愛犬到醫院，Virginia 表示：「有次我哋

出完街返屋企，發現 Soda 將間房搞到亂七八糟，咬爛咗幾支筆。」Andrew 補充說：「我哋

喺地下只搵到一個彈簧，驚佢個肚裡面全部都係膠片，所以即刻帶佢去睇急診。」Virginia

形容 Soda 不知道嚴重性，更指牠笑住入院，最後要全身麻醉進行洗胃，Andrew 稱：「獸醫

話佢食咗好多嘢，大概吞咗三、四支筆，趁住麻醉，我哋順便幫佢做埋結紮。」

Virginia 和 Andrew 去年被踢爆戀情，二人在節目中甜蜜分享對彼此的欣賞，Andrew 深情

表示：「我鍾意佢夠純情，我喺娛樂圈同商界見識好多人，但好少遇到好似溫馨咁純真嘅人，

佢成日問我好多低能問題，嗰種天真可愛，答問題時嗰種單純，我好信任佢，佢畀到一個好

完整嘅家庭，男人喺出面打完仗，返屋企可以好輕鬆，好似佢個名咁，有一個好溫馨嘅家

庭。」問 Virginia 可介意被踢爆經常問「低能問題」？她冧爆表示：「我當呢個係一個讚美，平時亦

唔係聽晒佢話，我同佢相處都畀好多意見嘅，大家互相尊重同體諒。」

詳細節目內容，請重溫９月１4 日，下午 1:00 – 1:30，新城知訊台《寵愛您》，網址：

相關文章