全港首個結合透明電視科技製作「音樂 X 書法」藝術音樂會 Kendy Suen 嶄新意念成逆市奇葩 兩場爆滿 注入強心針乘勢宣佈首個倫敦個唱《Kendy Suen Live in UK》9月公演盼與海外樂迷重聚 跳出香港宣揚本地音樂

由音樂人Kendy Suen與聲音藝術家Chaklam Ng聯手打造的《Tenka Taihei 天下太平》音樂與書法聲音藝術裝置音樂會已於月初圓滿結束，一連兩場座無虛席，亦為Kendy注下強心針，重啟兩年前於東京南青山 <月見ル君想フ> 的演出，將藝術與音樂帶回久未再訪的Busking 之地 —- 英國倫敦，鐵定於今年9月14日移師當地舉行首個個人演唱會，期待與海外樂迷再聚！

嶄新藝術裝置結合以音樂及書法  逆市下兩場爆滿 

醉心書法的Kendy Suen，早前與聲音裝置藝術家Chaklam Ng聯手創作一台裝置藝術作品，這場揉合書法跟音樂的《Tenka Taihei 天下太平》藝術音樂會，首次演出已獲得空前成功。不少樂迷對這項尖端透明顯示技術的體驗，仿如置身於流動藝術畫卷的音樂旅程，感到奇妙又迷醉。Kendy於騷後興奮表示：「用『天下太平』為主題，就係想帶大家返去自己兒時嘅『天下太平』堡壘中，重投細個嘅懷抱。好榮幸今次有LG signature OLED TV支持，畀我成為首位引進透明電視連結音樂及書法嘅單位，可以成就一個咁有藝術感嘅音樂會，係我一路以嚟想做嘅事。今次兩場都爆滿真係好開心，重新提醒我，要好好傳遞我嘅音樂同藝術。」

本節目由香港藝術發展局資助項目，香港藝術發展局支持藝術表達自由，本計劃內容並不反映本局意見。

首個英國個人演唱會 與樂迷重聚 

Kendy Suen對音樂與藝術的追求，為她展開一場又一場精彩的旅程，近年更多次於日本與香港遊走演出：「好開心今年4月，喺涉谷Tower Records啟動咗個《香港音市》，成為第一個香港單位喺呢個音樂性地標演出。早前，我仲提議喺涉谷 Tower Records設立香港音市嘅CD Corner，推介香港嘅獨立音樂，希望將香港嘅音樂帶去日本。」

為宣傳香港本地音樂不遺餘力的她，因着《天下太平》及《香港音市》的成功，正式宣佈9月14日將再到英國倫敦，於當地The Lower Third舉行首個個人演唱會「《MOON ROMANTIC》倫敦站」！Kendy Suen透露上次在倫敦的演出已事隔多年：「嗰時係喺倫敦嘅地下鐵做 Busking，比起而家嘅我，當時仲係好幼嫩，但係非常難忘。咁多年後，我已經儲多咗好多歌，喺藝術同音樂創作嘅眼光都廣闊咗，好希望可以帶住呢個全新嘅自己，同當地嘅樂迷見面。」

她指這次是首個在倫敦的個人演唱會，為了讓樂迷有不一樣的驚喜，已經與當地的樂手溝通，將近年創作的獨立音樂重新編曲：「我好喜歡同唔同人合作嘅火花，所以今次都會喺倫敦邀請唔同嘅樂手組Band，Band Leader係好著名嘅香港音樂家Tjoe（首位香港音樂人出演著名國際音樂頻道 NPR music tiny desk concert），是好出色嘅吉他手，我非常期待。」Kendy Suen期待在倫敦的演出，能夠與香港、日本同樣得到熱烈迴響：「自己都好希望帶住我嘅音樂，甚至其他香港獨立創作人嘅音樂去唔同地方，結合唔同嘅藝術，做更多天馬行空嘅演出，今次去倫敦都算跳出我嘅 Comfort Zone，返去嗰個好耐冇演出嘅地方，重新連結返大家！」

Kendy Suen首個個人演唱會「《Kendy Suen Live in UK》倫敦站」，門票現已公開發售，座位有限，敬請預早訂購！

另外，她在尖沙咀誠品書店舉辦的「書法 X 音樂」展覽將於7月31日結束，現場展出Kendy Suen的親筆提字，樂迷亦可於場內試聽她的專輯《Chapters》：「邀請大家去感受吓，書法同音樂嘅連結，回憶返嗰份執筆嘅觸感。」

Kendy Suen首個個人演唱會「《Kendy Suen Live in UK》倫敦站」詳情：

演出日期：2025年9月14日

入場時間：晚上7時30分

演出時間：晚上8時

演出地點：The Lower Third, 26 Denmark St. London WC2H 8NJ, United Kingdom

Kendy Suen「書法 X 音樂」展覽詳情：

展覽期至2025年7月31日

展覽地點：尖沙咀誠品生活 3/F

▼點擊圖片可以放大▼