林小珍周嘉莉兩女神 YouTube教手袋錢幣「錢滾錢」

近期定存利率低得可憐，炒股又風高浪急，想為資金尋求新出路的話，不妨跟兩位投資有道的女神——林小珍(June) 和周嘉莉(Rachel)學下嘢。兩位女神級理財達人，即將於YouTube夥拍另類投資專家，教大家投資金銀幣、名錶、手袋等資產，以至賽馬策略。

TVB首席財經主播出身的林小珍，被網民譽為「股壇初戀」，離開大台後遊走於各大平台，每日暢談金股匯，包括在財經730 的《股市早繽紛》節目。她近年更開設個人YouTube頻道「JuneDay六月天」，教大家利用最先進的AI工具炒股，憑數據準確捕捉出入市時機。投資觸角敏捷的她亦涉獵另類投資工具，之前亦有間中分享下投資手袋和錢幣等的心得。

有「六合彩之女」之稱的前亞姐周嘉莉亦是圈中才女，離開亞視之後，除了參與不同幕前演出、擔任大型活動司儀以及品牌代言外，更開設公關公司，在商界亦人脈廣闊，人美心善的Rachel亦積極參與公益活動。

兩位女神認識時間雖然短，不過一見如故，惺惺相惜，一碰頭已經按耐不住，分享揀手袋、首飾和名錶，寓投資於扮靚的心得，但二人仍不忘互笠高帽。Rachel期待向小珍請教更多投資心得，「June出名瓣數多，而且形象專業，喺理財投資界吃得開，除咗主持不同投資節目，仲獲各大金融機構垂青，邀請主持理財講座。今次合作節目，終於可以直接跟佢學吓點投資，同埋做個事業、家庭同美貌都投投是道嘅女人。」

June亦都話冇諗到Rachel會主動搵她拍檔，因為過往大家來自不同界別，希望可以今次刷出新火花，「Rachel活潑跳脫，每次同佢傾偈都刺激到新嘅諗法。而且佢係主持賽馬節目，呢個範疇對我嚟講都全新，我唔識得賭馬，但係就好鍾意聽賽馬歷史及趣聞，期待佢講多啲馬場故仔。」

新節目除了兩位靚女，更請來縱橫押業近四十年，既是馬主又身兼香港國際錢幣展銷會暨古董錶交易會（HICC）執行董事的的孔慶森Sam哥坐鎮。有追ViuTV劇《光明大押》都知道資深「二叔公」，如何精通各類資產。今次「真．二叔公」出山，相信傳授嘅另類投資技巧， 絕非一般平台可見。

新節目《Sam哥教撈 • 珍識買》將於7月8日起，隔個星期二下午五時，於YouTube頻道「JuneDay六月天」直播，三位猛人更會於直播時段跟網民互動，解答各類另類投資問題。