連詩雅接受新城廣播《原來生活好快樂》訪問爆與老公陳家樂相處之道：我哋好直接

歌手連詩雅（Shiga）現身新城廣播接受程凱欣和麥卓華主持的《原來生活好快樂》節目訪問，Shiga 與陳家樂婚後誕下一名女兒陳星頤（小星星），身份轉變令 Shiga 急速成長，從而享受平淡之中的幸福。

Shiga 和家樂的囡囡小星星快將一歲，她形容一家三口生活愉快，並感恩日常之中多了一個

人陪她經歷，「結咗婚後我唔係一個人，遇到難捱事會容易啲捱；有咗 BB 後，人生多咗責

任，唔可以咁任性執著，亦要懂得放下同珍惜。」

節目中，Shiga 大談和家樂的相處之道，夫妻之間沒有秘密，而且什麼都會說，就算稍有磨

擦，都會開門見山直話直說，「如果好嬲時面對面講唔到，我都會傳訊息講，我唔可以唔講，

亦唔使你估，最憎玩估遊戲，所以我好鍾意我哋相處模式，佢對我好直接，我又好直接。」

問到兩人之間最大的不同？Shiga 笑指家樂有時都略為執著，反而自己「好冇所謂」，「女都

生埋，我幾睇得開，老公自己揀，同佢有小朋友又係自己想，點解仲要去傷大家感情？」期

間更甜絲絲大讚家樂，「佢都好 sweet 嘅，會識做，因為我儀式感好重，以前一年慶祝十

次，結咗婚有埋囡囡後，變咗一年三次，學識享受平淡之中嘅幸福。」

程凱欣和麥卓華異口同聲有感 Shiga 成為人妻及人母後極速長大，Shiga 笑言：「都算係，但

長大得太遲，用咗太耐時間達到依家較滿意嘅成長，以前停滯不前，又想長大又唔想長大，

我好多時都童心未泯，但都係時候要成長，因為已為人媽咪。」

詳細節目內容，請重溫７月３日早上 9:30-10:00 新城知訊台《原來生活好快樂》節目；

相關文章