《原諒有用》｜Karen Kong 龔柯允新歌發佈

【靈魂女聲Karen Kong真情剖白】

新歌《原諒有用》唱出真人真事　與老公合力打造紅線visualizer：一條條解開心結！

原諒唔代表放過對方，而係拯救自己。

來自馬來西亞、喺香港發展多年的女歌手 Karen Kong 龔柯允，推出2025年第二首全新廣東歌《原諒有用》，以K歌形式唱出「原諒」的難與痛，亦是她人生首張粵語EP中第四部曲，延續由傷痛走向療癒的旅程。

這次Karen選擇以「K歌」形式來唱這段故事：「我一直好想擁有一首屬於自己嘅K歌。唔係為咗表現唱功，而係想俾人聽得入心。唱K歌，最緊要唱感情。」

破格用紅線視覺化內心拉扯，老公親自參與創作

MV以Visualizer形式呈現，由Karen老公聯同一班年輕團隊共同製作。畫面中佈滿紅線，象徵纏繞不清的傷痛與回憶，而Karen就站在中央，像被過去困住。象徵原諒嘅過程唔係瞬間釋放，而係每一段痛苦記憶逐一鬆綁。

真實經歷入歌：我試過嬲一個人嬲到唔想原諒佢

歌曲背後其實是Karen的親身經歷。雖然身為基督徒，要學識原諒。但當自己被深深傷害，亦曾陷入極度憤怒：「我真係嬲到唔想原諒，諗起佢就嬲。但有次一個姊妹聽完我傾訴之後，冇急住叫我放下，而係溫柔咁講『我明白你唔易捱』。就係嗰刻，我先感受到嗰種釋懷嘅鬆動位。」

這份「原諒的鬆動」成為整首歌的靈魂。

錄音兩小時完成，突破以往唱歌風格

監製徐浩與Karen認識15年，今次終於首次合作。Karen分享：「佢好識令我放鬆，唔係叫你點唱，而係令你可以唱得出自己。」錄音前，徐浩甚至帶嚟一個神秘磁石，話更具科學實驗可以發出能量令聲音更穩、更有厚度——Karen笑言：「我真係覺得有用！」

過去有人曾批評Karen唱歌冇情感，令佢一度收起自己。但今次Karen選擇面對：「我以前唱歌會壓抑情緒，因為我以前嘅我為咗要變成一個『開心』嘅人設而壓抑自己的情緒。今次為咗講出自己個故事，我選擇唔再躲起感受。錄音時越唱越緊，唔單止係緊張，而係我真係要攤開舊傷口，唱出嚟。」