Sony Music 主辦 力臻 X Michael C 簽名及見面會《做好見「米臻」的覺悟》CP 組合打造全新BL情歌 〈做好戀愛的覺悟〉日系少男曲風延續「米臻式浪漫」 綻放 BL 粉紅泡泡魅力為 MV「下海」拍足5小時濕身透視上陣 挑戰親密鏡頭力臻鬼馬邀粉絲尋找深色內褲：「放大睇十次就有機會搵到！」

Sony Music 旗下歌手力臻 Lagchun 與 Michael C 早前推出〈你是我的專屬配對〉，柔情對唱成功發放「米臻式浪漫」氛圍，深得歌迷喜愛，更被熱捧成「米臻」CP。兩人乘勢推出新作〈做好戀愛的覺悟〉，讓甜蜜值再度升溫！昨日（16日）「米臻」齊齊現身銅鑼灣希慎廣場 Urban Park 舉行 《做好見「米臻」的覺悟》簽名及見面會，除了與樂迷玩遊戲、欣賞 MV 首播外，更是他們首次於現場演繹新歌，為大家送上清新又浪漫的初夏晚上！

活動以「米臻」合唱〈你是我的專屬配對〉開始，濃濃的 BL 感��間急升，隨即兩人與樂迷玩遊戲繼續炒熱全場氣氛。接下來，是這對 CP 親自分享對新歌的感受，兩人對再度邀得作詞人 T-Rexx 為他們的 BL 情歌推進劇情，感到既興奮又難忘。他們笑指兩首歌分別與對方相似：「一首係我、一首係你嘅 Version！上一首係 Michael 較少接觸嘅風格，今次就輪到力臻比較陌生，更加係第一次嘗試嘅類型。感覺我哋喺音樂上嘅火花又再昇華咗！」提到「米臻」CP 這個稱呼，力臻說：「最緊要 Fans 鍾意，因為大家嚟聽，我哋先有機會繼續唱。」兩人又在台上大爆相處日常，除了會齊齊做Gym，更會邊視像邊食飯，果然夠晒「恩愛」。

然後是「米臻」的現場演繹時間，首次公開獻唱新作〈做好戀愛的覺悟〉，有別於〈你是我的專屬配對〉台式情歌口味，這次他們以 J-POP 曲風塑造日系少男情懷，為「米臻」CP 添上清新浪漫感。演唱過後，力臻與 Michael C 當然不會錯過與樂迷互動的機會，再次與大家齊齊玩遊戲。

終於來到樂迷最期待的新歌 MV 首播環節，為綻放 BL 粉紅泡泡的魅力，兩人於 MV 中濕身演出之餘，更有不少親密動作，身貼身、頭貼頭的場面，惹來不少尖叫聲！為配合新作的日系感，「米臻」早前特意到沙灘取景，分享拍攝點滴時，兩人異口同聲表示對沙灘有陰影，力臻笑言這次為 MV 豁出去，但指的不是與 Michael C 的親密互動，他說：「細個去沙灘割到腳，嗰吓真係好痛！自此我就覺得沙灘有啲污糟，所以好少去，為咗呢個 MV 真係好大犧牲㗎！」身旁的 Michael C 隨即和議，他說：「我都有喺沙灘嘅慘痛經歷，衝落海嗰陣，唔小心畀貝殼割傷搞到入院，仲要打針，係我人生第一次 Call 白車！」力臻又指：「嗰日仲要唔記得咗要濕身，着咗條深色內褲，但係條面褲就白色嘅，所以次次上水都要盡量避開我嘅深色內褲，導演好勁！大家可以睇十次個MV，然後放大又睇十次，就有可能搵到我條深色內褲。」他們笑言為了 MV 一同克服陰影，也算是「米臻」CP 的另類緣份。

MV 以大海為主題，自然不乏若隱若現的透視騷肌畫面，兩人透露在開拍前，早已成 Gym Buddy 瘋狂操肌，一齊節食、一齊做重力訓練、一齊做機，令兩人的默契升溫。但 Michael C 竟鬼馬自爆有偷懶，他說：「其實我覺得今次都未去到100%，因為都未需要除晒！」力臻立即幫口說：「佢好想除晒㗎！如果今次反應好，下次福利就可以加碼！我除埋褲都仲得！」於活動尾聲時，力臻感觸哽咽道：「感謝 Michael！於爸爸離逝時一直在身邊陪伴渡過低潮，亦樂見歌迷支持兩人組成 CP。」又表示與 Michael 以 CP 組合出歌反應很好，今天可以一同舉辦歌迷簽名及見面會，當作是一份父親節禮物送給天上的父親。

力臻 X Michael C 全新合唱歌〈做好戀愛的覺悟〉現已於各大音樂平台上架，，各位樂迷可於以下連結收聽（https://SonyMusicHK.lnk.to/TheKakugoofLovePR）MV 亦經已推出！歌迷好好欣賞力臻和 Michael C 的操肌成果，做好戀愛的覺悟吧！

▼點擊圖片可以放大▼