「中年好聲音」受觀眾歡迎，連帶兩屆參賽者都能入屋， 《中年好聲音2》的劉可及林思彤（前名林若盈）日前出席由香港物業服務公司協會主辦的「香港公共屋邨慶祝中華人民共和國成立 75 周年社區活動系列」啟動禮擔任表演嘉賓，並由房屋局局長何永賢主持啓動儀式。劉可的「可粉」亦組粉絲團到場打氣，他更親切與粉絲一起合照有求必應。
家住黃大仙公屋 劉可讚設施齊備感幸福
對於活動推行「齊齊扮靚幸福邨」，現時居於黃大仙上邨的劉可，大讚公屋設施非常便利，以他居所附近為例，有醫院、學校及商場，應有盡有好幸福。至於林思彤雖然不是住公屋，但婆婆及媽咪都居於公屋，她同樣覺得現時的公屋設備十分完善。
劉思彤建議「中 3」參賽者要帶外套暖水避寒
提到《中年好聲音 3》已展開，問兩人有何參賽秘訣教授予參賽者？林思彤說：「我永遠叫佢哋一定要保暖， 因為錄影廠太凍，尤其係開頭嗰幾 round 比較辛苦，因為太多人，等候時間長，所以一定要帶夠衫同埋暖水壺，呢個係最實際。」劉可就提醒參賽者要盡量放鬆，「因為要做嘅所有功夫喺上台前已經做曬，上到台真係要放鬆，就算係殿堂級歌手，當on show 嗰一下每個人都會緊張，點樣克服緊張就要慢慢適應同學習，呢個亦係必備嘅人生課題。」
批評難免要懂得平衡心理
對於比賽期間必有的批評，他們又如何面對？林思彤表示有用批評樂於接受，「如果係純粹個人睇法，自己就會將佢變成幽默化，不用太在意。」劉可坦言他參賽時每一集都有好多負評，「對於帶有政治性意圖或人生攻擊， 可以撇除唔去諗，始終唱歌太主觀，有時係平衡唔到，只要唔係甩 beat 甩得太犀利，唔係走音走得太犀利，可以喺合格線上完成首歌，係可以接受嘅，總之唔好將得失睇得太重。（你在 12 強便出局，是否負評所累？）唔關事，冇所謂，最緊要享受比賽，因為一定有得著，大家喺比賽期間會有好多溝通交流，當中可以學到人哋身上嘅嘢，所以追夢對於自己唔係最主要，喺呢個人生課程自己有何得著先至最寶貴。」
林思彤不信支嚳儀做金手指
最近龍婷與丘亞葵的緋聞鬧得熱哄哄，劉可就笑言：「耳聽未必為虛，眼睇未必為實，呢啲以訛傳訛，我真係唔知。」提到有傳爆龍婷料的是支嚳儀，林思彤指以她平時與支支相處，覺得對方不是這種人，而且他們「中 2」大家庭都相處好融洽。劉可就指「金手指」這說法很有趣味性，至於信不信就睇自己。
對於《中年好聲音》舉行到第三輯，會否擔心分薄關注及工作?劉可就謂：「冇得太擔心，其實係市場決定一切，並不是自己可主導，只能盡量武裝自己，至少要比在比賽時表現更好。」
Comentarios