陳樂榣(Ally)憑她的設計藝術天份與時尚觸角，推出自家設計獨特首飾，成功開拓WOW Fashion Jewellery精緻優質飾品店，開業至今以自設廠房鑲工精細，品質與價錢性價比高，贏得消費者好口碑，除了早前在大坑開新店之外，終於在九龍區選址開業，讓擁躉購物更方便，物色尖沙咀海港城海運大廈LCX L3的 8A舖開分店，同時加入合夥人韋凱欣(Cherry) ，令到生意發展進入另一新里程。
Aria有天份做繼承者
Ally更特別選在今天(2024年6月15日)舉行新店剪綵儀式，今次更安排兩位囡囡與她一起剪綵，象徵將WOW Fashion Jewellery傳承開枝散葉，
明日適逢是父親節，Gordon身為首飾店設計師，在父親節的日子推出最新系列首飾。Gordon話大女Aria其實亦好有設計天分 : 「佢有時間就會畫首飾俾我，好有創意，Aria將來可以做我哋繼承者。」
感動大囡Aria送禮物賀父親節
Gordon一向視大女兒Aria如己出，今天更收到Aria送他的父親節禮物。
Aria別出心裁畫了一幅圖畫給Gordon，是一大一細兩隻熊仔，爸爸熊仔加了帽及眼鏡，與Gordon好神似，Gordon到禮物甜到入心，即場摟住Aria錫，十分溫馨。
「尋晚佢唔俾我入佢間房，話要俾個驚喜我! 真係好可愛。」而Aria亦更大讚Gordon : 「爸爸超好! 佢仲買咗隻貓俾我。」
Ally讚Gordon為稱職父親
Ally話Gordon爸爸好稱職，很多時間陪伴女兒，小朋友給多少物質都不重要，最緊要陪伴，Gordon會陪她玩亦陪她做功課，而小女兒Gia現時9個月大，亦是Gordon一手一腳照顧。
問及Gordon今年是女兒Gia出生後，過第一個父親節，做了爸爸之後跟以前有甚麼不同?) 「因為我同我爸爸關係一直非常好，我當佢係兄弟，由細到大我都跟父母一齊住，所以我做爸爸之後亦會以朋友方式同佢地相處。不過就係多咗一份責任，我希望可以好好照顧佢哋，俾佢哋好好生活。」
Comments