top of page

黃智賢到新城接受訪問驚喜見馬浚偉行政Look麥皓兒生日獲馬浚偉送禮物 程凱欣送蛋糕


藝人黃智賢(Ben)日前(3日)到新城廣播接受《QK玉瑛室》主持譚玉瑛、何基佑及麥皓兒(Cayley)訪問,適逢今天是Cayley的36歲正日生日,新城廣播首席營運總監(COO)馬浚偉特別到直播室向壽星女送上小禮物,而新城廣播知訊台台長程凱欣亦準備蛋糕為Cayley慶祝,令她感動不已。


問Cayley有何生日願望?她開心表示:「身體健康最重要,同埋希望發放多啲正能量,生日正日要開工超開心,中午又同兩位拍檔食午餐,新城廣播呢個大家庭真係好溫暖,令大家更有動力。」


訪問中途,馬浚偉再次走入直播室與舊同事Ben聚舊,Ben驚喜看到打呔加上畢挺恤衫,一身行政打扮的馬浚偉特登前來探班,興奮得上前擁抱及大讚,兩人還一起緬懷2005年拍攝劇集《鐵血保鏢》的點滴,馬浚偉表示:「嗰時你係我二佬?黎耀祥係大佬,我係四掌櫃,仲有黎諾懿。」


Ben和譚玉瑛是昔日兒童節目《閃電傳真機》主持人,他指小時候放學經常看譚玉瑛主持的節目,故入行後看到譚玉瑛感到相當親切,Ben表示:「佢當時好牙尖嘴利,唔敢同佢講嘢,好記得佢成日同我講『你唔好咁嚴肅,要笑多啲』,又會鬧我,『你笑吓啦,嚇走晒啲細路喇,咁cool』,咁我就成日提醒自己,做個稱職嘅主持要由笑容開始。」

0 次查看0 則留言

Comments


bottom of page