top of page

松岡李那和一眾師兄師姐與老闆慶生 更即場構思日文歌期待齊人合唱


日前,係天盟娛樂老闆顏培意先生生日,雖然公司旗下一眾藝人經常在香港及內地各有各忙,但都盡量抽出空檔為老闆慶祝生日。除了大師姐李施嬅Selena正身處上海,演出舞台劇《向延安》、大師兄海俊傑亦正在拍攝劇集,而新晉女籃KOL任栩燕亦因有傷在身未能出席,其他藝人都相約與老闆培哥食生日飯慶生。


天盟旗下藝人涉獵歌影視不同範疇。當天出席包括係《福祿壽訓練學院》扮嘢扮到出神入化嘅Carman關嘉敏及Gordon葉泓聲、係最近上映嘅高智犯罪電影《查無此人》中飾演高冷長腿嘅專業級騙子Odi陳善渝、忙於中港兩邊走拍劇,專登係佛山趕回港嘅Lincoln許俊豪、在《神耆小子》中,飾演超性感病人嘅朱斐斐、同埋分別準備推出新歌嘅Karen龔柯允、Tik 鄧禮迪及Alex鄺星宇之外,亦有剛加入天盟大家庭嘅Linah松岡李那與Philip韋雄。


Linah 剛入公司就感受到大家既熱情,因為席間,各位都用盡自己識得嘅日文同松岡李那溝通,令Linah滿心期待。但原來大家只識講例如「你好」「多謝」「唔好意思」既日常用語,場面非常爆笑,亦令Linah 大笑!


松岡李那與韋雄表示冇諗過咁快有機會見到同門其他藝人朋友,韋雄說「好開心公司有不同範疇的藝人朋友,亦相信喺天盟會有更多唔同既發展。」Linah笑謂:我一知道公司有咁歌手朋友,就即刻構思一首全日文跳唱歌,搵埋公司所有藝人朋友一齊跳唱,相信一定好好玩。

而Linah 亦表示希望加入新公司後可成為更全面既藝人,除左拍戲,亦希望可以拍劇或者唱歌。



9 次查看0 則留言

Comments


bottom of page