治癒系靚聲陳懿（Christy）由翻唱開始，以純粹的聲音開始她的獨立歌手之旅，於網絡上得到不少樂迷的支持，去年Christy終於推出兩首自己的作品，有樂迷表示終於等到她的歌，更大讚為「最舒服的聲音」。今年，Christy再接再厲，推出2024年首支派台單曲、第二首親自的作曲《沉積物》，以最柔和的聲線，道出「傷痛背後總有養份」的主題，撫慰每個曾受傷的靈魂。
網上唱Cover 惹網民注視 引來Kellyjackie親自留言打氣
從事音樂工業的Christy，不時在社交平台翻唱，陳奕迅、麥浚龍、謝安琪、林宥嘉及呂爵安等別人的歌，亦為音樂監製唱Demo歌多年，她的聲線與唱功絕對是水準以上。早前Christy在IG發起「連唱22日COVER」的挑戰，她的靚聲隨即受不少樂迷注視，網上翻唱《他約我去迪士尼》一度被網民譽為翻版Kellyjackie，更引來Kellyjackie本尊親自留言打氣。
新歌獲偶像鄧小巧親自填詞兼發文力撐
得到樂迷的支持，Christy今年再推新歌《沉積物》，除了由她親自作曲，更邀得偶像鄧小巧負責填詞。Christy笑言要以「夢幻」形容是次的合作：「鍾意咗小巧嘅作品好多年，覺得佢有好勁嘅療癒力，自己一直視她為目標。今次真係好夢幻，因為早排見到佢幫牙醫（許廷鏗）寫歌，我終於鼓起勇氣叩門，邀請佢幫我填詞。」Christy透露2018年已有機會與偶像合作，當時她參加歌唱比賽，而小巧是活動的表演嘉賓：「嗰陣已經好期待，可以喺現場認識佢，仲有諗過唔知有冇機會合作，最後因為日程問題錯過咗機會。不過，我之後都有留意小巧每次嘅演出，自己有機會去商場唱，又或者喺IG唱COVER嗰陣，都會揀好多小巧嘅歌，希望可以令佢留意到我，今次終於可以合作，真係好多謝佢。」
Christy笑指小巧是自己是次錄音的人生教練，由答應填詞的一刻，已經寫了千字文的簡介，清晰地表達歌詞的意境與含意：「佢知道我成日都好緊張、好多負擔，仲一路鼓勵我，教我要學識擁抱自己，真係好感動。」她又感謝負責編曲與監製部分的Perry Lau，於正式錄音前，陪她分析歌曲與歌詞：「佢同我逐句歌詞去消化，又畀咗好多鼓勵我，我覺得自己好幸運，有咁多人幫忙，成個製作團隊都好好。」
提到MV，Christy笑謂她的MV團隊只有自己與導演，為了拍攝到沉浸於大自然環境的畫面，呈現音樂上紓壓、放鬆與釋放自我的主題，她們更遠赴荔枝窩及油塘石礦場進行拍攝，但拍攝期間亦有不少驚險體驗。「第一日我化化吓妝嗰陣，突然好唔舒服要停拍，之後再去，因為個環境太靚，我哋兩個投入到唔知時間，差啲錯過咗船期滯留荒島，跟住我哋再搵多日，去拍吓啲靚景，點知去到某個位置突然又好唔舒服，轉咗位之後又冇嘢，好彩冇發生咩靈異事件。」
陳懿Official Instagram：
陳懿Official YouTube Channel：