top of page

「小背心」許靖韻做新手DJ大爆自己「騎呢」經歷 出差竟遇「黑的」引爆范振鋒做深宵節目必備「廁所歌」



由新城廣播藝人經理人及項目總監范振鋒(Ricky)主持的《新手DJ大鳴聲》,最新一集請來英皇歌手「小背心」許靖韻(Angela)初試啼「聲」做DJ,除了有不少搞笑場面外,許靖韻竟引出Ricky自爆做DJ的一個小秘密。

首次做DJ的許靖韻劈頭便自爆自己少女時代甚少聽電台,因此對DJ工作相當陌生,在直播室內對每個步驟都感到很好奇,不時畀反應發出「哦……哦……」表示明白的聲音,十分搞笑。


范振鋒自爆播《Hotel California》現場版:11分鐘做乜都得


當范振鋒傳授技巧時表示,做DJ要做足不少準備,尤其做一晚節目至少要安排好10首歌,Angela不忘提問做通宵節目時:「有冇人試過聽聽吓瞓着咗呢?」Ricky直答:「梗係有啦,我都試過!」引得Angela哈哈大笑,Ricky還自爆獨自一人做深宵節目,都會趁播歌時小休一會,離開飲杯水或去洗手間,總會揀選一首歌來播:「就係《Hotel California》嘅現場版,11分鐘架個現場版,我嗰時啱啱入電台做,嗰隻歌係用來救命,11分鐘做乜都得!」


而作為新手DJ的Angela第一首揀選的新歌《望年月》,除了因為曲風未曾嘗試過外,原來歌曲有深層意思:「Hello 大家好!我係許靖韻Angela,你而家聽緊嘅就係我嘅新歌《望年月》,咁呢首歌希望大家珍惜眼前人!」


許靖韻自爆為人「騎呢」:我個腦似一個電話


經歷一個小時的做DJ體驗,許靖韻笑言自己雖然有出現手腳不協調及有懶音問題,但整體覺得自己頗適合做DJ,不少朋友更形容她很「騎呢」,喜歡跟身邊人分享生活趣事:「我覺得自己係幾鍾意講嘢嘅一個人,我幾鍾意去share!我覺得我個腦有啲似一個電話,有啲片段我會記得佢,然後同人share。」

最後Angela更與聽眾分享近日出差時遇上「黑的」 經歷,笑言:「我嘅人生咁多未搭過,我竟然喺而家搭到黑的!呢一單嘢係我最近發生過最離譜一件事,但我啲friend就話,係咪因為我個人咁騎呢,所以會遇上啲咁騎呢嘅事!」



4 次查看0 則留言

Comments


bottom of page