top of page

李琳琳、導演楊曜愷接受新城《QK玉瑛室》訪問譚玉瑛碌大雙眼睇李琳琳接吻戲


資深藝人李琳琳和導演楊曜愷今日(14日)到新城廣播接受《QK玉瑛室》訪問,兩人與主持譚玉瑛、何基佑及麥皓兒大談拍攝電影《從今以後》的點滴,相隔30多年「出山」拍電影,李琳琳坦言是被劇本和角色所吸引,她稱:「原本我都有啲猶豫不決,我最主要驚自己out咗,始終三十幾年冇喺幕前演戲,又做咗『寄生蟲』好耐。不過John哥(老公姜大衛)都話呢個角色好難得,自己都好想做,所以接受導演邀請。」


導演楊曜愷被問到為何會選中李琳琳做主角?他表示:「我想搵啲好耐冇見過嘅演員,比較特別啲嘅,唔係成日喺電視台見到做阿媽嗰啲演員,咁啱搵到一套80年代舊電視劇《輪流轉》見到琳琳姐,覺得佢好適合。」譚玉瑛聞言即表示自己亦有份參演《輪流轉》,令眾人相當驚訝,她透露:「我當年喺訓練班出嚟,有份喺劇入面做學生,即係你睇極都睇唔到我,但又有份捱夜拍嗰啲。」


75歲的李琳琳在電影中與另一位女主角區嘉雯有大膽的接吻鏡頭,角色甚為突破,譚玉瑛直言自己在戲院看該幕接吻戲時要碌大雙眼,她說:「我要睇吓有幾親熱!」而該場接吻戲,則由李琳琳和區嘉雯自由發揮,李琳琳稱:「嘉雯嗰隻眼唔使講嘢就有晒戲喺裡面,令到我好想摸佢塊面,輕輕鍚咗佢一啖,但佢仲望住我,我覺得自己唔夠,要嘴多佢一啖,仲要勁啲嘅。」譚玉瑛大讚李琳琳:「果然係功力深厚嘅演員。」

5 次查看0 則留言

ความคิดเห็น


bottom of page