top of page

面對家人身體抱恙,何展睿堅強繼續品牌推廣


唱作歌手何展睿Steve 親身為推廣自家品牌Simple Times參與「市集馬拉松」,講到早前媽咪家中暈倒緊急做手術,他表示:「原來佢腦裏面有粒細瘤爆咗仲出血,好彩及時做手術,都做咗五個鐘,依家情況穩定,終於離開ICU,逐漸甦醒有知覺。要多謝所有親朋戚友支持佢同醫護人員嘅悉心照顧。」


而Steve為鼓勵媽咪,創作新歌《手心的溫度》,他表示歌曲正是當下對母親的期盼:「做手術之前捉住佢隻手覺得有啲冰冷,手術之後再拖佢隻手就暖番好多,溫度嘅變化令我好深刻。雖然呢首新歌未錄音,但我一定會完成之後喺佢耳邊播俾佢聽。當中有一句歌詞就係我嘅心聲「捉緊你手,頑強面對,重新睜開眼,盼多講半句」。而家佢最重要就係安心,我就要俾信心佢,所以佢知道我為佢作嘅新歌,即刻眼角流淚。」


另一方面,太太早前因美容激光療程受傷,傷口多達二十處,Steve表示花了較長時間才成功安撫她。事發後,美容中心並無立即回應、跟進、慰問,直到忍痛睇醫生後才得知:「佢好傻,痛到喊先同我講,唔講都唔知咁嚴重,最後自行睇醫生。而美容中心後知後覺,雖然承認員工失誤,但並無賠償,更指療程前簽訂協議,雙方都有責任,要承擔風險。消費者比錢同受苦,佢哋失誤就唔駛負責任,好感嘆業界欠缺監管,無政策保障消費者、好彩老婆大量,無再追究。我自己為咗氹番佢開心兼補祝佢生日,特登帶佢去整咗對情侶機械錶,因為大家都知我老婆大人要實用既禮物!」


Steve接二連三家人發生狀況,一向樂天知命既佢堅持努力工作,積極面對:「媽咪出事嗰陣喊左幾日,之後平復心情即刻去唔同嘅廟宇求神拜佛,求咗好多平安符比佢。因為過分傷心都幫唔到件事,而且仲會影響工作。我當係上天比我嘅考驗,要冷靜面對,因為我自己一向係越挫越強,不如將時間做多啲實際嘅事情。」

25 次查看0 則留言

Comments


bottom of page