top of page

FWD 富衛保險呈獻【電笠】示範單位《王雙駿 HATS ON 音樂會》 While the Music Lasts謝霆鋒、麥浚龍、柳應廷、李駿傑、吳林峰及& The Duo Band最強列陣 一夜限定 驚喜連場



FWD 富衛保險呈獻【電笠】示範單位《王雙駿 HATS ON 音樂會》While the Music Lasts 日前(3月9日)假香港會議展覽中心Hall 5BC隆重舉行,殿堂級音樂製作人王雙駿(Carl叔叔)結集不同年代合作無間的代表,軟硬天師、謝霆鋒、麥浚龍、柳應廷、李駿傑、吳林峰及Eason& The Duo Band,成就這場讓樂迷期待已久的音樂會!


甫開場,Carl叔叔率領眾樂隊成員徐徐進場,隨即奏起開場音樂,帶樂迷走進這場玩味十足、驚喜連場的音樂盛會。柳應廷(Jer)以紅黑造型打頭陣登場,全場尖叫不絕,一口氣獻唱《狂人日記》及《砂之器》,Jer說:「好開心今日我係第一個開場嘅嘉賓,出道到而家嘅歌,都係Carl叔幫我監製,就好似爸爸咁嘅角色,音樂道路上冇佢嘅指導,建構唔到Jer呢個人,所以今日真係好開心、好榮幸,可以喺呢個台為Carl叔表演。」接着是《人類群星閃耀時》,多變的曲風,誠如這場音樂會的主調——好玩。


然後是隊友李駿傑(Jeremy)接力登場,為樂迷送上《半》及《You First》,他感謝Carl叔叔為自己擔任監製,指雙方合作已踏入第三年:「去到今年已經係第三年,Carl叔叔一直畀好多信心我,因為我自己係個好冇信心嘅人。」Carl叔叔笑謂每次與他合作都可以自High:「每次都好似見到好多我嘅fans,見到好多個駿字喺度。」台下即傳來歡呼聲和應。Carl叔叔續說:「遇上Jeremy好幸福,呢個年頭遇到有夢想嘅年青人唔容易。佢唔係淨係發夢,仲會去實踐,佢真係會擺晒120%落去,作為監製遇到呢啲歌手好筍㗎。」隨後,Jeremy為樂迷帶來首個驚嘉,唱出由Carl叔叔負責曲、編、監的《桃色冒險》,強烈的節奏感盡顯他的騷味,為音樂會的首部份掀起高潮,台上台下氣氛高漲。


接下來,進入第二部份,由麥浚龍(Juno)與鍾舒祺合唱的《成魔之路》展開,然後是當年的經典作《雌雄同體》。唱畢,Juno與Carl叔叔於台上擁抱,Juno搞笑說:「我哋有幾多時間講嘢㗎?」Carl叔叔指每次與Juno對話,都以小時為單位:「好似少男咁㗎,我哋會傾電話,就算錄message(語音訊息)都6分鐘起標。」Juno聞言即鬼馬反擊:「我都有付出㗎,雖然我錄好長畀你,但係我都要撳住個掣㗎嘛。」Carl叔叔笑雖然嬉稱Juno「長氣」,但亦大讚對方不理世俗,專注追求心中目標,啟發他以後製作專輯有更多想法。Juno為樂迷送上《從此世界多了一分鐘》,全場以手機燈海和應,場面浪漫。


近年甚少在香港開騷的謝霆鋒緊隨接力,以一身長袍配長鏈帽的型格造型登場,帶來充滿強烈節奏感的《潛龍勿用》,再掀音樂會高潮,惹來不少樂迷興奮狂叫。霆鋒說:「好耐無見,好耐無喺香港演出,好掛住你哋。」接着,他大唱經典金曲《玉蝴蝶》及《活著VIVA》,彈着結他的霆鋒相當投入,場內瞬間回到充滿熱血的青蔥時代,不少樂迷更湧到台前齊齊跳,反應熱烈。


好戲在後頭,隨着謝霆鋒的演出過後,Carl叔叔繼續送上另一驚喜,軟硬天師林海峰(Jan)及葛民輝以Carl叔叔的招牌長髮戴帽look現身大唱《Gala Gala Happy》,讓樂迷們興奮不已。

這兩位神秘嘉賓,大放笑彈令全場High爆,Jan介紹自己是王雙駿,葛民輝笑謂:「我係Carl。」他們又邀請真Carl叔叔於台上合照,笑言是三Carl同台,然後「唱雙簧」爆拉姑不時請Carl叔叔為霆鋒舉辦演唱會,阿葛模仿Carl叔叔的語氣,說:「今晚開呢個演唱會,好耐冇見阿仔,我好感激佢二話不說應承,本來諗住叫霆鋒嚟炒幾碟,點知佢唱咗成part。Jer又係好好,次次造歌都打千字文畀我,呢啲歌手簡直係監製恩物。」Carl叔叔聞言更正說:「嗰個係Jeremy呀!」台下再次哄笑。


來到第三部份,由多次被Carl叔叔點名力讚的吳林峰率先登場,他唱出《俄羅斯套娃》及《捱麵包的人》,並與謝芊彤合唱《我也難過的》,真摯的聲音觸動人心,他說:「喺度唱歌係可以記一世嘅事,好多謝Carl叔叔,好感恩有好明白我諗法、旋律嘅人。」隨後,吳林峰和柳應廷送上與Carl叔叔等19人於2021年組成的「樂壇已死大合唱團」的點題歌《樂壇已死》,正好呼應是次音樂會的傳承部分。


音樂會的尾段,迎來最後一個演出單位,被Carl叔叔形容為親人般的大樂隊——& The Duo Band。而另一位神秘嘉賓陳奕迅(Eason)亦隨同& The Duo Band出場,他的出現讓樂迷興奮不已,Eason獻唱完《破壞王》後,與Carl叔叔分享成立& The Duo Band的經過並演唱《敬菸》。Carl叔叔在台上再次感謝& The Duo Band,直言認識他們是人生的轉捩點,最後他們唱出音樂會的尾歌《可一可再》,隨着最後一個音階的落下,《王雙駿 HATS ON 音樂會》 While the Music Lasts圓滿結束。



關於【電笠】 

電笠,意即燈罩,寓意每個人均能夠散射出不同光紋,只要集結起來,就能夠演化成一個屬於當代的創作團隊,同一天空下,說出不同角度的故事。主打製作文化、音樂、電影、哲學、建築以及可持續發展等領域內容,除了每天於各網絡平台跟大家見面外,同一時間,我們亦深入涉足各類型跨媒體創作。


官方網頁:dl.media


關於【電笠】示範單位

以【電笠】團隊創意及美學角度出發,凝聚不同領域代表人物,潮流文化哲理藝術,一同走進不同「實體空間單位」,策劃展現出我們的所信所愛,帶來各種跨媒體體驗。關於【電笠】各類型跨媒體創作可參考附錄。


主辦單位:【電笠】 

協辦單位:Freakland Limited

冠名贊助:FWD 富衛保險

聯合贊助:星展銀行、MOKO新世紀廣場、sim Credit Card、The Club

4 次查看0 則留言

コメント


bottom of page