top of page

曾擔任許廷鏗、衞蘭及《全民造星IV》主題曲編曲及音樂監製全能音樂製作人兼歌手 XTIE 獲邀出席格林美週行紅地毯 進軍荷李活分享音樂作品 同步籌備新專輯


新生代音樂製作人兼歌手 XTIE 早前到美國出席第66屆格林美獎的官方活動格林美週(Grammy Week),期間認識到當地不少音樂人,更與今年格林美獎最佳新人、美國唱作歌手 Victoria Monét 交流,XTIE 直言此行令她有很大的啟發:「作為女性,我都會畀自己好多框架,例如覺得結婚生仔會影響事業發展,但係呢次令我學識點樣去擁抱同分享自己及別人嘅故事,從而感動更多人,呢個係作為創作人嘅天職。」


XTIE作為香港新生代音樂製作人,曲詞編監樣樣皆能,曾為許廷鏗及衞蘭編曲,並為 Viu《全民造星IV》主題曲擔任編曲及聯合監製。去年她已成為香港首個音樂人獲邀於格林美官方 YouTube 頻道的「PRESS PLAY」系列演出而嶄露頭角,接連帶推出的首張個人專輯《APOLLO-23》,更讓XTIE有機會到英國、加拿大、韓國、菲律賓、新加玻、台灣、日本等地巡演,於國際音樂舞台上備受關注。


她表示這次有機會參與格林美獎感到相當榮幸,作為亞洲女音樂製作人的一份子,是次以香港音樂製作人獲邀出席,XTIE 說:「上年喺 GRAMMYS PRESS PLAY 演出完之後,格林美都畀咗好多機會我,但係我未有機會飛過去(美國)。美國最近好興討論女性音樂人可以喺呢個圈做到嘅嘢,亦都好想了解點解咁少女性製作音樂。直到今年2月嘅格林美週,佢哋邀請我過去同當地音樂人交流。今次係我第一次去美國,所以去之前都好興奮、好期待。」


格林美週舉行期間,有不少分享活動,其中邀請到電影《小魚仙》女主角荷爾貝利(Halle Bailey)擔任演講嘉賓,分享如何於演藝圈中發表個人想法、平衡私人生活及事業。XTIE 說:「我好記得佢話自己生完 BB 三個星期就復工,好多女性都會因為結婚生仔影響咗事業發展,我自己都成日有呢個諗法,但係 Halle Bailey 話生仔唔會拖佢後腿,反而令佢多咗個好愛嘅人,有更多動力繼續做落去。我哋就係要分享自己嘅故事感動更多人,呢個係作為創作人嘅天職。」


XTIE與今屆格林美獎最佳新人得主 Victoria Monét(左)及美國唱作歌手 Gracie Abrams(右)合照


XTIE 此行亦認識到今屆格林美獎最佳新人得主、美國唱作歌手Victoria Monét,兩人更有機會私下交流,她說:「佢有個小朋友,年齡加上媽媽嘅角色,曾經令佢框住自己嘅形象,例如唔可以太性感,但係佢覺得做藝人就係講自己想講嘅嘢,可以性感亦可以係母親嘅角色。對作為女藝人嘅我好有啟發性,尤其女性喺文化上定形得好嚴重,MV要點、造型要點、要PO咩相,我都好介意,今次見到好多唔同年紀、文化背景嘅女藝人,大家都好無懼咁表達自己。」



除了出席格林美週,XTIE 更夢想成真,於荷里活心臟地帶嘅傳奇音樂場地 The Hotel Café 分享作品:「可以喺我嘅偶像 Adele、John Mayer、Katy Perry、Billie Eilish、Ed Sheeran 等等演出過嘅場地分享自己嘅作品,真係好夢幻、好開心。我着咗本地服裝品牌 athenaeum(m.) 嘅衫同戴住 Pamycarie 嘅飾物演出,以同樣係來自香港嘅作品進軍荷李活,對我嚟講意義重大!雖然我唱英文歌為主,但係都特登揀咗首廣東歌《麥田看守員》表演,呢次係我最自豪嘅經歷。因為呢場係一場閉門嘅分享會,我同觀眾嘅距離好近,氣氛好好,我仲同佢哋傾偈,原來我有美國嘅樂迷,佢哋一直留意住我,真係好感動,為我之後繼續衝出香港注入強心針,我會繼續努力嘅!」另外,XTIE 透露正在籌備新專輯,並將與芬蘭歌手推出新歌,期待繼續於香港及國際樂壇帶來更多作品。



XTIE Official Website:https://www.xtieofficial.com/

XTIE Official Instagram:https://www.instagram.com/xtiemusic

9 次查看0 則留言

Comments


bottom of page