top of page

女俠Yvonne為同志界代表解盤阿Bu揚言唔再「大J」余德丞Zelos拒扮直男被批事業向旺


台灣有唐綺陽,香港都有人氣占星師——女俠Yvonne。


占星節目《絲打STAR TALK》今集請來同志界代表黃凱逸Zelos、阿Bu、陳皓雲Howard擔任嘉賓,Yvonne為三人逐一解盤,為人馬座的Zelos、白羊座的阿Bu、巨蟹座的Howard指貼迷津。


Zelos上昇金牛,經歷過一段痛苦階段,如今可謂苦盡甘來,Zelos脫離低潮期,Yvonne指其流年大運正進入事業,大家聽到即一同鼓掌,Zelos聽罷即興奮話:「等咗呢一句好耐喇!」雖然勤力亦愛拼搏, 但Zelos要放下焦慮,被批其完美主義令自己帶來很大壓力,要識得放鬆,並樂觀面對四方八面的意見,Zelos未來一年財運極佳,不過他亦直認相當大使,自爆沒冇儲蓄並會全部投資在事業上。


至於阿Bu性格愛玩,拒絕接沉悶工作,要學習與情緒共存,唔計較可有助事業運,被指「天生事業好順」,令阿Bu亦十分驚訝,還又爆:「拍《粉紅麻甩》嗰陣時,其實真係日日都去玩,我覺得呢種寓工作於娛樂,嗰陣時鍾意大J余德丞,名正言順,好開心,日日去玩!」阿Bu補充當時是「大J」,如今已「冇J」余德丞了。阿Bu被形容是個天生「專業奶媽」,但他本人就坦言自私,好多時只會為自己,真性情的阿Bu對朋卻有嗰句講嗰句,當他講到㷫起,還忽然爆料,指Zelos曾被「乜春前輩」建議行大路風格,慶幸他沒有隱藏性取向扮直佬拍劇,阿Bu更拋金句:「你應該要偏峰,你唔偏峰乜都唔係添啦!」Zelos自己亦深表認同,大家就好想知他所指的前輩真正身份。


Yvonne花了不少時間替Howard解盤;擁有親和力的Howard,累積下來的修行,總是給別人有朋友、鄰家男孩感覺,阿Bu聽罷即補充:「我對男孩呢個形容可圈可點。」Zelos仲話:「係鄰家嘅師奶呀!」認為Howard夠精打細算,加上之前留了長長鬈髮,笑指對方是「花師奶」。


Apple Podcast節目《絲打STAR TALK》

特別嘉賓系列 逢星期三 12pm上架

節目現已上架



12 次查看0 則留言

Комментарии


bottom of page